Польшча збіраецца даць праязному дакументу статус афіцыйнага пасведчання асобы
Таксама застаюцца планы па павелічэнні яго тэрміну дзеяння.
Павел Латушка і заснавальніца ініцыятывы «Партызанка» Ганна Маціеўская правялі сустрэчу з кіраўніком польскага Упраўлення па справах замежнікаў Томашам Цытрыновічам.
Што абмяркоўвалася?
Польскі праязны дакумент
Рыхтуецца праект змен у заканадаўства, якія нададуць польскаму праязному дакументу афіцыйны статус пасведчання асобы. Таксама застаюцца планы па павелічэнні яго тэрміну дзеяння.
Змяншэнне чэргаў чакання ВНЖ
Польшча працягвае працу па ўвядзенні новых электронных сістэмаў, якія павінны значна скараціць тэрміны чакання і чэргі ў ваяводскіх упраўленнях. Перадусім гэта будзе датычыць эканамічных дазволаў на жыхарства — па працы, бізнэсе, уз’яднанні з сям’ёй, навучанні.
Запыты на экстрадыцыю ў Беларусь
Падчас сустрэчы было ўзнята пытанне экстрадыцыйных запытаў з боку беларускіх уладаў. Ганна Маціеўская падзялілася сваім практычным досведам вядзення падобных спраў у Польшчы і агучыла канкрэтныя рэкамендацыі, у прыватнасці — па ўдасканаленні дзеянняў з боку польскіх праваахоўнікаў.
Цытрыновіч паабяцаў накіраваць інфармацыйныя матэрыялы ва ўсе структуры, якіх гэта датычыць, каб падвысіць інфармаванасць супрацоўнікаў і забяспечыць карэктнае рэагаванне ў сітуацыях, калі прыходзіць запыт з Беларусі.
Цяпер чытаюць
Лукашэнка: Што творыцца ў краіне, у нас усе гэтую гусь круцяць25
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5757
Каментары