ХАМАС перадаў Ізраілю спіс закладнікаў, якіх павінны вызваліць сёння. Ізраіль абвясціў спыненне агню
ХАМАС перадаў спіс закладнікаў, якіх плануе вызваліць сёння. Гэта тры жанчыны.
Як піша The Times of Israel, ХАМАС перадаў спіс закладнікаў, якіх плануе вызваліць сёння. Гэта параненая Ромі Ганін (24 гады), Эмілі Дамары (28 гадоў) і Дарон Штэйнбрэхер (31 год).
Тры грамадзянскія жанчыны былі ўзятыя ў закладніцы 7 кастрычніка 2023 года падчас нападу ХАМАС, у выніку якога каля 1200 чалавек былі забітыя і 251 выкрадзены
Ганін была выкрадзена з фестывалю «Нова» 7 кастрычніка 2023 года, а Дамары і Штэйнбрэхер былі выкрадзены са сваіх дамоў у кібуцы Кфар-Аза.
У канцылярыі прэм'ер-міністра Ізраіля пацвердзілі, што атрымалі спіс.
Спыненне агню ў сектары Газа ўступіць у сілу ў 12:15 па Мінску, заявіла канцылярыя Нетаньяху пасля гэтага.
Паводле пагаднення аб перамір'і, ХАМАС абавязаны быў падаць спіс закладнікаў за 24 гадзіны да іх вызвалення, але не зрабіў гэтага. У адказ прэм'ер-міністр Ізраіля Біньямін Нетаньяху заявіў, што працягне рэжым агню. У выніку новых удараў ЦАХАЛ па сектары Газа, па інфармацыі ХАМАС, загінулі як мінімум 12 чалавек.
ХАМАС патлумачыў адсутнасць спісу тэхнічнымі прычынамі.
У абмен на трох закладнікаў Ізраіль павінен адпусціць з турмаў 1890 палесцінскіх зняволеных.
Цяпер чытаюць
Золкін пра Бабарыку і Калеснікаву: Гэта белагвардзейская апазіцыя, як і Яшын, і Кара-Мурза13
Каментары