СБУ затрымала галоўнага псіхіятра УСУ, які за час вайны разбагацеў больш чым на $1 мільён
Ён быў намеснікам старшыні Цэнтральнай вайскова-медычнай камісіі і прымаў рашэнні аб прыдатнасці вайскоўцаў да службы. Усю набытую маёмасць зарэгістраваў на жонку, дзяцей і іншых давераных асоб.
Супрацоўнікі Службы бяспекі Украіны затрымалі галоўнага псіхіятра Узброеных сіл, які з'яўляецца намеснікам старшыні Цэнтральнай вайсковай камісіі і вырашае пытанні аб прыдатнасці вайскоўцаў да праходжання службы.
Паводле «Украінскай праўды», гаворка ідзе пра Алега Друза. Па матэрыялах справы, гэты чыноўнік на працягу поўнамаштабнага ўварвання набыў актываў на больш як мільён долараў ЗША.
Пры гэтым ён не адлюстроўваў адпаведную маёмасць у сваёй дэкларацыі і аформіў яе на сваю жонку, дачку, сыноў і іншых старонніх асоб.
Як высветліла расследаванне, на працягу 2022-2024 гадоў падазраваны набыў:
— прыватны дом у Абухоўскім раёне Кіеўскай вобласці;
— дзве кватэры ў г. Кіеве;
— 1 кватэру ў г. Адэса;
— 2 зямельныя ўчасткі ў Абухоўскім раёне Кіеўскай вобласці;
— БМВ Х7 2024 г.;
— БМВ Х7 2022 г.;
— БМВ Х5 2023 г.;
— БМВ Х3 2022 г.;
а таксама іншую маёмасць.
Падчас вобыскаў у яго следчыя СБУ знайшлі таксама 152 тысячы долараў ЗША і 34 тысячы еўра.
Каментары