Дзясяткі караблёў, частка з якіх пабудаваныя сотні гадоў таму, выяўлены на дне Балтыйскага мора.
Прывітанне з мінулага: дзясяткі караблёў, частка з якіх пабудаваныя сотні гадоў таму, выяўлены на дне Балтыйскага мора. Пра гэта паведамілі шведскія навукоўцы. Караблі знайшла будаўнічая кампанія, якая збірае газавую трубу паміж Расіяй і Нямеччынай. Паводле навукоўцаў, частка караблёў знаходзіцца ў выдатным стане адносна свайго вялікага веку.
«Самыя старажытныя караблі ляжаць тут з Сярэдневечча ды маюць больш за 800 гадоў. Большасць жа з ХVII-XIX стст, — сказаў кіраўнік Управы па шведскай спадчыне Петэр Норман. — Караблі вельмі цікавыя, але мы пакуль што бачылі іх адно звонку. Большасць з іх цэлыя і захаваліся ў добрым стане».
Тысячы парэшткаў затанулых караблёў знаходзяцца ў Балтыйскім моры. Прычына іх добрай захаванасці — на Балтыцы амаль адсутнічаюць чарвякі і мікраарганізмы, які любяць дрэва. Цяперашнія знаходка выяўлены на ўсходзе ад швэдскай выспы Готланд.
Нагадаем, «Нордстрым» — гэта супольны расійска-нямецкі праект. Гэтым газапровадам газ павінны праходзіць непасрэдна з Расіі ў Нямеччыну па Балтыйскмі моры, у абвод Беларусі і Ўкраіны. Паводле расійскага боку, лінія мусіць быць пабудаваная ўжо ў наступным годзе.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары