Трамп увёў санкцыі супраць Калумбіі за адмову прыняць самалёты з мігрантамі
Прэзідэнт ЗША Дональд Трамп загадаў сваёй адміністрацыі ўвесці шэраг санкцый супраць Калумбіі, паколькі яна адмовілася прыняць амерыканскія ваенныя самалёты з дэпартаванымі мігрантамі.
У сваёй сацыяльнай сетцы Truth Social Трамп напісаў пра тое, што двум рэпатрыяцыйным самалётам з ЗША з вялікай колькасцю крымінальнікаў не дазволілі прызямліцца ў Калумбіі.
Гэты крок шкодзіць нацыянальнай бяспецы ЗША, заявіў Трамп. Таму ён распарадзіўся ўвесці супраць Калумбіі розныя абмежавальныя меры. Сярод іх — тэрміновыя тарыфы ў памеры 25% на ўсе тавары, якія паступаюць у ЗША, забарона на паездкі і неадкладнае адкліканне віз у чыноўнікаў калумбійскага ўрада і ўсіх іх прыхільнікаў, візавыя санкцыі супраць усіх членаў партыі, членаў сем'яў і прыхільнікаў калумбійскага ўрада.
Трамп папярэджвае, што гэтыя абмежаванні — толькі пачатак.
Раней прэзідэнт ЗША заяўляў, што будзе змагацца з нелегальнай міграцыяй.
Мсціслаў Мекта: яшчэ адзін рэцыдывіст рвецца ва ўладу, прыкінуўшыся спецназаўцам-ябацькам15
Каментары