Беларусу на аўтамыйні забаранілі карыстацца сваім сродкам для мыцця. Ці законна гэта?
Мужчына ў сацсетках расказаў, што на адной з аўтамыйняў самаабслугоўвання ў Мінску яму забаранілі карыстацца сваім мыйным сродкам і не далі дакумент аб аказанні паслугі. Пра тое, ці можна так рабіць, агенцтва «Мінск-Навіны» ўдакладніла ў МАРГ.
Такія паслугі рэгулююцца правіламі бытавога абслугоўвання спажыўцоў, якія зацвердзіла пастанова Саўміна №1590 ад 14 снежня 2004 года. Па гэтых правілах аўтамыйня не абавязаная выдаваць кліенту дакумент, што паслуга аказана.
У забароне выкарыстоўваць свой сродак для мыцця закон на баку аўтамыйні — у ведамстве спасылаюцца на пункт 22 гэтага дакумента: выканаўца абавязаны аказаць бытавую паслугу з выкарыстаннем свайго матэрыялу, калі іншае не прадугледжана дакументам, які пацвярджае заказ.
Аўтамыйка мае права забараніць выкарыстанне спажыўцом сваіх мыйных сродкаў і прадметаў яшчэ і ў сілу інструкцый да абсталявання. Праўда, тады па патрабаванні кліента яна павінна быць гатовая падаць дакументы, што іх матэрыялы бяспечныя.
У МАРГ дадаюць, што інфармацыя пра ўмовы павінна даводзіцца да спажыўцоў у даступных месцах, каб яны маглі вырашыць, ці заказваць паслугу.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося21
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі88
Каментары