Сёлета на многіх сталічных дзіцячых пляцоўках збіраюцца паставіць новае абсталяванне, пішуць «Мінск-Навіны».
«Абновяць 1 155 дзіцячых пляцовак ва ўсіх раёнах сталіцы, больш за ўсё — у Фрунзенскім, — удакладніла прэс-сакратарка Мінскай гарадской жыллёвай гаспадаркі Анастасія Сулімская. — Будуць замененыя 2 453 адзінкі абсталявання, сярод якіх 281 — горкі. Асобным акцэнтам стануць стылізаваныя гульнявыя комплексы ў колькасці 506 адзінак: у тэматыцы ЖКГ, МНС, у марскім стылі».
Гараджан запрашаюць прапаноўваць свае варыянты таго, як могуць выглядаць новыя комплексы. Ідэі можна дасылаць у чат-бот прадпрыемства да 1 сакавіка.
Цяпер чытаюць
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары