Падчас аўтагонкі ў Германіі сутыкнуліся сем машын, адзін пілот загінуў
Падчас кваліфікацыйнага заезду прэстыжных гонак «24 гадзіны Нюрбургрынга» ў Германіі адбылася сур’ёзная аварыя з удзелам сямі аўтамабіляў. Яна мела трагічны вынік.
Праз прыкладна 25 хвілін пасля пачатку заезду на адным з паваротаў адбылося масавае сутыкненне з удзелам сямі машын. У выніку арганізатары спынілі гонку чырвонымі сцяжкамі.
Машыны атрымалі настолькі моцныя пашкоджанні, што некаторыя з іх давялося разразаць, каб дастаць гоншчыкаў.
Усе ўдзельнікі аварыі былі шпіталізаваныя. Пазней стала вядома, што 66‑гадовы фінскі гоншчык Юха Міецінен загінуў ад атрыманых траўмаў — у ягоны аўтамабіль рэзнуўся іншы з боку дзвярэй, і ўдар аказаўся смяротным.
Астатнія шэсць гоншчыкаў атрымалі лёгкія траўмы і знаходзяцца пад наглядам медыкаў, іх жыццю нічога не пагражае.
Цяпер чытаюць
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе11
Каментары