Жыхар Смілавіч паскардзіўся ў тыктоку на разбітыя вуліцы і «знакамітую лужыну». Што яму адказалі ўлады
Жыхар гарадскога пасёлка Смілавічы Чэрвеньскага раёна апублікаваў відэа, у якім паказаў жаласны стан некаторых вуліц. На ролік звярнула ўвагу дзяржаўнае выданне.
«Тут няма і ніколі не было тратуараў, асвятлення ў цёмны час сутак таксама няма», — расказаў аўтар пра стан 2-га завулка Горкага.
Таксама ў роліку можна пабачыць іншыя вуліцы, на якім разбіты асфальт, лужыны, бруд. Круглы год калдобіны, а пасля дажджу — суцэльная калатуша, расказаў аўтар пра вуліцу Палявую.
Таксама ён паказаў тэрыторыю, дзе мінулым летам пракладвалі цеплатрасу. Дарога там адсутнічае.
Яшчэ мужчына расказаў пра «знакамітую лужыну», якую, паводле яго слоў, улады абяцаюць прывесці да ладу шмат гадоў.
Журналісты «Мінскай праўды» звярнуліся па каментар да намесніка старшыні Чэрвеньскага райвыканкама па пытаннях будаўніцтва і ЖКГ Руслана Чарняўскага.
Той сказаў, што работа па рамонце дарог вядзецца пастаянна, і толькі летась на асфальтаванне дарог у Смілавічах выдзелілі каля 2 млн рублёў з рэспубліканскага бюджэту і 235 тысяч з мясцовага.
Як запэўніў Чарняўскі, вуліца Палявая ўключана ў план на гэты год — у 2025 годзе дарогу цалкам заасфальтуюць.
Дарогу, дзе пракладалі цеплатрасу, добраўпарадкуюць пазней праз умовы надвор'я.
Пытанне з асвятленнем на вуліцы Палявой і ў 2-м завулку Горкага «знаходзіцца на кантролі». Але нічога канкрэтнага чыноўнік не паабяцаў.
-
«Я ў калоніі быў больш вольны». Былы палітвязень Тамаз Піпія расказаў пра 6 гадоў за кратамі і новую паранаідальную беларускую рэальнасць
-
Выйшаў на свабоду палітзняволены фанат Цімур Піпія
-
«Уцякалі ад мігрантаў і гендарнай ідэалогіі». Прапаганда паказала яшчэ адну сям'ю ковід-дысідэнтаў, якая перабралася з Германіі ў Беларусь
Каментары
А ці працуе тая чабурэчная, і ці гандлююць шпарка салам ? Некалі аж два перасоўныя шапікі стаялі, а ў іх сала на любы густ, пад самую столь. А яшчэ валёнкі там выраблялі годныя, цяпер няма, не знайшоў, зьвяліся майстры...