Беларус захаваў архіў прадзеда і здзівіў ім польскіх чыноўнікаў
Дакумент 1920 года ў польскім ужондзе ўспрынялі як «музейную рэліквію», расказаў беларус. Яго гісторыю заўважыў МОСТ.
З 2020 года беларус Дзіма з сям'ёй жыў на Балі. Пазней ім давялося пераехаць у Польшчу і тут у легалізацыі дапамаглі старыя дакументы прадзеда Дзімы.
Дзіма нарадзіўся ў невялікім горадзе на захадзе Беларусі. Да 1939 года гэта тэрыторыя ўваходзіла ў склад Польшчы і, як кажа мужчына, выхоўвалі яго ў польскай традыцыі.
Прадзед мужчыны служыў у польскай арміі, якая выступала супраць нападу Савецкага саюзу.
«І пашанцавала майму прадзеду, што ён не быў афіцэрам, таму што нам усім вядома, што здарылася з афіцэрамі, якія абаранялі Польшчу ад нападу Савецкага Саюза. Іх усіх звезлі ў лагеры, а потым проста яны былі пакараныя — проста ўтылізацыя непажаданых. Але нейкую большую частку польскага войска распусцілі па дамах. Вось мой прадзед быў такім простым салдатам, які вярнуўся, выжыў і быў вымушаны жыць ужо на тэрыторыі Савецкага Саюза», — расказаў ён.
У сям'і атрымалася захаваць дакументы ад прадзеда Дзімы і калі ён апынуўся ў Польшчы, мужчына змог выкарыстаць іх для сваёй легалізацыі.
«Вельмі добра памятаю, калі ўпершыню прыйшоў ва ўжонд у Беластоку. Я прынёс довуд (пасведчанне асобы), якое датавана 1920 годам. Яно выглядала як старадаўняя карта скарбаў, якая пацёртая, падпаленая», — падзяліўся беларус.
Па яго словах, супрацоўнікі ужонда, пабачыўшчы такі архіўны дакумент, збегліся з усіх акенцаў, таму што гэта была «рэальна як нейкая рэліквія музейная».
У Польшчы скончылі ўстаноўку электрычнага бар'еру на дзвюх рэках на мяжы з Беларуссю
«У ГУЛАГу ўвогуле не было рахункаў за ацяпленне». У сеціве спрачаюцца пра ролік, дзе паляк хваліць танную беларускую камуналку
Блогерка знайшла памылкі ў працоўным сшытку па беларускай мове. Чыноўнікі заявілі, што выданне не выкарыстоўваюць у школах
Новы будынак Нацыянальнага гістарычнага музея пабудуюць да 2027 года
Цяпер чытаюць
ДФР кашмарыць транспартнікаў: у вялікіх лагістычных аператараў крымінальныя справы, вобшукі і арышты15
Каментары