Стрыжак распавёў, колькі зваротаў атрымаў BYSOL за 4 дні праз узлом «Беларускага гаюна»
Больш за 150 зваротаў прыйшло за чатыры дні на гарачую лінію @help_bysol па пытаннях, звязаных з «Беларускім Гаюном». Пра гэта паведаміў кіраўнік службы Андрэй Стрыжак.
«Даем кансультацыі, перанакіроўваем на партнёраў, адпраўляем на эвак [эвакуацыю] пры пільнай патрэбе», — напісаў ён.
Пра ўзлом праекта стала вядома 5 лютага — акаўнт, які, мяркуючы па ўсім, належаў супрацоўніку ГУБАЗіК, увайшоў у закрыты чат рэдактараў суполкі «Беларускі Гаюн». Пасля гэтага адтуль былі выгружаныя паведамленні.
«Беларускі Гаюн» — маніторынгавы OSINT-праект, які адсочвае ваенную актыўнасць расійскіх і беларускіх войскаў. Маніторынгавая група была створаная перад пачаткам расійска-ўкраінскай вайны актывістам Антонам Матолькам.
7 лютага праект спыніў працу.
За мінулы год BYSOL арганізаваў 228 выездаў — як адзіночных, так і эвакуацый сем'яў з дзецьмі.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім2
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары