На новую вытворчасць на МАЗе патрабуецца 1500 работнікаў — Мінгарвыканкам
Чыноўнікі спадзяюцца закрываць недахоп кадраў праз выпускнікоў.
«Практычна 50 працэнтаў навучэнцаў пасля дзявятага класа выбіраюць прафесійна-тэхнічную адукацыю», — адзначыла старшыня камітэта па адукацыі Мінгарвыканкама Марына Ільіна ў інтэрв'ю БТ.
Паводле слоў чыноўніцы, пашыраецца практыка мэтавай падрыхтоўкі кадраў, а таксама матэрыяльная падтрымка навучальных устаноў з боку прадпрыемстваў.
У якасці прыкладу чыноўніца прывяла сітуацыю на МАЗе:
«Вось паглядзіце: горад Мінск, МАЗ. Паўтары тысячы работнікаў патрабуецца на новую вытворчасць. (…) І МАЗ актыўна супрацоўнічае з нашымі каледжамі ў гэтым напрамку».
Згодна з Дзяржаўнай службай занятасці, на МАЗе цяпер адкрыта каля 480 вакансій.
Праўда, чаму застаецца такі вялікі дэфіцыт кадраў пры актыўным супрацоўніцтве вытворцы з навучальнымі ўстановамі, Ільіна не патлумачыла.
Цяпер чытаюць
Дзяцей-футбалістаў з Рэчыцы павезлі ў Геленджык па прыфрантавой вобласці Расіі. У аўтобус трапіў беспілотнік50
Каментары