Культура1111

Марзалюк пра новы гістарычны музей: Сустракаць наведвальнікаў будуць самыя важныя ў нацыянальнай гісторыі асобы

Дэпутат Ігар Марзалюк расказаў пра тое, чаго чакаюць ад новага будынка Нацыянальнага гістарычнага музея.

Запланаваны галоўны фасад новага Нацыянальнага гістарычнага музея

«Глабальная задумка новага музея — паказаць доўгі шлях беларусаў да незалежнасці. Не на словах, а прадметна: праз унікальныя артэфакты, лёсы і падзеі. Беларуская дзяржаўнасць — гэта не выпадковы збег абставін, а тое, да чаго мы доўга і ўпарта імкнуліся, гэта аб'ектыўная заканамернасць тых працэсаў, якія пачаліся на нашых землях тысячагоддзе таму», — падзяліўся Марзалюк у інтэрв'ю дзяржаўнай «Народнай газеце».

Марзалюк кажа, што новы музей гэта не толькі новы будынак, але і «прынцыпова новае бачанне».

«Ужо на падыходзе да музея наведвальнікі павінны будуць атрымліваць першыя моцныя ўражанні, менавіта таму такая сур'ёзная ўвага надаецца яго знешняму абліччу, дзе будзе шмат сімвалаў і знакаў. 

Скажу толькі, што сустракаць наведвальнікаў будуць самыя важныя з пункту гледжання нацыянальнай гісторыі асобы — ад старажытнасці да нашых дзён. Хто менавіта і ў якім фармаце — сакрэт». 

Экспазіцыя будзе фармавацца з фондаў цяперашняга Нацыянальнага гістарычнага музея.

«Тое, што цяпер даступна наведвальніку ў залах [Нацыянальнага гістарычнага музея], — толькі мінімальная колькасць экспанатаў. Але ўлічваючы грандыёзнасць канцэпцыі, не выключана, што будуць прыцягвацца знакавыя прадметы і з іншых музеяў. Магчыма, не арыгіналы (у нас няма мэты абяскровіць рэгіёны, забраўшы адтуль усё самае каштоўнае і цікавае), а па-майстэрску створаныя рэплікі, галаграмы і гэтак далей. Ёсць яшчэ і такая форма, як часовае захоўванне тых ці іншых прадметаў з наступным вяртаннем», — адзначыў Марзалюк. 

Новы будынак Нацыянальнага гістарычнага музея размесціцца на месцы парка «Дрымлэнд» — на ўчастку паміж праспектам Пераможцаў — вуліцай Арлоўскай і ракой Свіслач. Па праекце ён будзе паўтараць контур карты Беларусі. Унутры — некалькі паверхаў з вялікімі прасторамі і холамі, каля 20 тысяч кв. м. Пабудаваць яго плануюць да 2027 года.

Каментары11

  • з маскоўскай мовай прыходзе жахлівая імперская торба ; пушкін, слажніцын ...
    16.02.2025
    на маскоўскай мове магчыма толькі ГУЛАГі будаваць, А мы Літвіны - Беларусы і з маскоўскай мовай прыходзе жахлівая імперская торба (пушкін, слажніцын , шаман, казкі пра партызанаў і гд ) дзе мы Беларусы - Літвіны не існуём нават . Калі не жадаеш быць болей маскоўскім васалам (служкай ), паглядзі лекцыю Эву Томпсан ў ЮТ ці кнігу яе знайдзі , сёння гэта не цяжка . Лукашэнкі лепшы варыянт на сёння , ў нас васальныя адносіны з маскоўскай імперыяй падтрымліваюць 80% Грамадзян Беларусі , глядзім на колькасць Беларусаў ў Беларускіх клясах, асабіста першыя клясы. Глядзім на імёны дзетак, слухаем цояў , глядзім лайно на асфальце да нашу маскоўскамоўную інтэлігенцыю накшталт Аляксеевіч.
  • М
    16.02.2025
    з маскоўскай мовай прыходзе жахлівая імперская торба ; пушкін, слажніцын ..., ----------- як ты ўжо надакучыў са сваім рандомным спамам, таварыш майоръ, памяняць мэтадычку
  • Вопрос
    16.02.2025
    С какого года начинается история? С 1917, 1941, 1994?

Цяпер чытаюць

Нам трэба лідар-атаман? Гісторык Цімох Акудовіч — пра стратэгію выжывання беларусаў і што рабіць з Расіяй11

Нам трэба лідар-атаман? Гісторык Цімох Акудовіч — пра стратэгію выжывання беларусаў і што рабіць з Расіяй

Усе навіны →
Усе навіны

Генштаб УСУ абверг заяву Трампа аб «акружэнні ўкраінскіх войскаў»2

Чалы аналізуе задачы, якія Лукашэнка паставіў новаму ўраду2

Украінская паліцыя затрымала чалавека, якога падазраюць у забойстве актывіста Дзям'яна Ганула3

Трамп заявіў, што правёў «добрую і прадуктыўную» размову з Пуціным і заявіў пра акружэнне ўкраінскіх войскаў12

Старшыня Беларускай федэрацыі футбола Шарснёў раскрытыкаваў Мінспорту2

Апейкін пахваліўся, што ў яго ўсё добра. Таму можа піць у Венецыі каву па 15 еўра18

Дзяржсакратара Марка Рубіа віталі ў Канадзе паказальна малой чырвонай дарожкай ФОТАФАКТ14

Засоўванне ў сметнікі палітыкаў і акцыя «Рускія ідуць дамоў». Чым вядомы Дзям'ян Ганул, якога сёння забілі ў Адэсе?12

На дарогі Беларусі выйшлі натоўпы шэрых жабаў. Што робіцца?3

больш чытаных навін
больш лайканых навін

Нам трэба лідар-атаман? Гісторык Цімох Акудовіч — пра стратэгію выжывання беларусаў і што рабіць з Расіяй11

Нам трэба лідар-атаман? Гісторык Цімох Акудовіч — пра стратэгію выжывання беларусаў і што рабіць з Расіяй

Галоўнае
Усе навіны →

Заўвага:

 

 

 

 

Закрыць Паведаміць