Кандытарская фабрыка «Камунарка» паведаміла, што аднаўляе выпуск глазураваных цукерак «Селена» з апельсінавым сокам. Цукеркі «Селена» выпускаліся на «Камунарцы» ў 1970-х гадах і карысталіся вялікай папулярнасцю.
«Селена» — гэта буйная фруктова-грыльяжная цукерка, глазураваная цёмным шакаладам, якая змяшчае апельсінавы сок, натуральнае яблычнае пюрэ і пражаны здробнены арахіс.
«Фруктовая начынка з яркім смакам размешчаная паміж храбусткімі вафелькамі. Цёмны шакалад стварае гарманічнае спалучэнне горычы і слодычы, абрамляючы фруктова-арэхавы корпус», — расказалі на фабрыцы.
«Для кагосьці «Селена» стане падставай для прыемнай настальгіі па тых гадах, а хтосьці раскрые для сябе непаўторны смак савецкай рэцэптуры. Толькі сёлета вы зможаце паспрабаваць дзіўную рэтрацукерку, якая зусім хутка з'явіцца ў фірмовых крамах «Камунарка» і гандлёвых сетках», — адзначыў вытворца.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары
Но, вкус и состав будет современным - российско-китайским, как и с гвоздями, болтами, сантехникой, электроникой, автопромом и всем остальным.