Брэст развітаўся з турыстамі, якія загінулі ў Мурманскай вобласці
Двухгадзіннае жалобнае мерапрыемства прайшло ў Лядовым палацы, у фае якога былі ўстаноўлены труны з целамі. Сотні людзей прыйшлі развітацца з маладымі людзьмі.
У Брэсце 16 сакавіка адбылося развітанне з турыстамі, якія загінулі ў Мурманскай вобласці Расіі, — Дар`яй Трацынскай, Аляксандрай Коўган, Міхаілам Карпяшом і Яўгенам Траскевічам. Іх целы былі дастаўлены напярэдадні вечарам у спецвагоне хуткага цягніка «Мінск — Брэст».
Двухгадзіннае жалобнае мерапрыемства прайшло ў Лядовым палацы, у фае якога былі ўстаноўлены труны з целамі. Сотні людзей прыйшлі развітацца з маладымі людзьмі. У цырымоніі ўзялі ўдзел кіраўнікі Брэсцкай вобласці і Брэста.
Пасля гэтага адбылося адпяванне загінулых у Свята‑Васкрасенскім саборы‑помніку ў гонар 50‑годдзя Перамогі ў Вялікай Айчыннай вайне.
Затым целы турыстаў былі перавезены да месцаў пахавання.
Яны будуць пахаваны 16 і 17 сакавіка на розных могілках: Дар`я Трацынская — у вёсцы Булькава Жабінкаўскага раёна, Аляксандра Коўган — у Кобрынскім раёне, Міхаіл Карпеш — у вёсцы Чэрні Брэсцкага раёна, Яўген Траскевіч — у Слонімскім раёне Гродзенскай вобласці.
У спачуванні ад імя старшыні Брэсцкага аблвыканкама Канстанціна Сумара, апублікаваным у газеце «Брестская заря», гаворыцца, што з гібеллю гэтых чатырох маладых людзей «Брэстчына страціла тую частку сваёй моладзі, якая сімвалізуе парыў да новага, бясстрашнасць і імкненне выпрабаваць сябе».
Трагедыя здарылася 8 сакавіка ў Лавазерскім раёне Мурманскай вобласці, на перавале Таваёк на адлегласці 26 км ад пасёлка Рэўда.
Снежная лавіна накрыла шасцярых беларускіх турыстаў. Двум з іх, Аляксандру Юрагу і Дзмітрыю Фаміну, удалося выратавацца. Вечарам 9 сакавіка яны дабраліся да людзей і паведамілі пра здарэнне. Чатыры турысты — Міхаіл Карпеш (1981 года нараджэння), Яўген Траскевіч (1986), Дар`я Трацынская (1983) і Аляксандра Коўган (1987) — загінулі.
12 сакавіка з ініцыятывы брэсцкіх турыстаў быў адкрыты дабрачынны рахунак для аказання дапамогі родным загінулых у Мурманскай вобласці: разліковы рахунак № 3819382105438 у філіяле № 126 ААТ «ААБ «Беларусбанк» горада Брэста, МФА 252, дабрачынны рахунак № 000 000 030 з паметкай «На аказанне дапамогі родным турыстаў, якія трапілі ў катастрофу ў гарах Кольскага паўвострава».
-
Журналістка «Спутніка» звяртаецца да Лукашэнкі: яе сын паступіў у Вышэйшую школу эканомікі ў Маскве, а дома на яго завялі крыміналку
-
Былы супрацоўнік «Бетэры» запісаў вялікае відэа пра гэта анлайн-казіно. Цяпер у яго праблемы з міліцыяй
-
У Мінску развіталіся з паэтам Уладзімірам Карызнам, аўтарам слоў да цяперашняга дзяржаўнага гімна Беларусі
Цяпер чытаюць
«Свінні зарохкалі. Без вады даўно не сядзелі, я б ім адключыў». Азаронак абрынуўся на жыхароў раёна Лебядзіны30
Каментары