Каб скрасці залаты ўнітаз коштам да шасці мільёнаў долараў, спатрэбілася пяць хвілін. Пра гэта пракурор расказаў у Оксфардзе на судовым пасяджэнні па справе, піша Бі-бі-сі.
Пра рабаванне з Блэнхэймскага палаца пад Оксфардам стала вядома ў 2019 годзе, але цяпер ідзе суд, на якім агучылі падрабязнасці здарэння.
Са слоў пракурора, банда з пяці чалавек ноччу на двух аўтамабілях пратараніла браму Бленхеймскага палаца. Затым яны выбілі акно і праніклі ў сам палац.
Група выламала ўнітаз кавадламі і збегла. Усяго ім на гэта спатрэбілася каля пяці хвілін.
Унітаз з золата 750-й пробы (18 карат) не быў пастаянным прадметам інтэр'еру ў палацы, дзе калісьці нарадзіўся Уінстан Чэрчыль. Яго ўсталявалі часова — як частку выставы італьянскага мастака-канцэптуаліста Маўрыцыа Кателлана. Гэтую сваю працу ён назваў «Амерыка».
Нягледзячы на гэта, унітаз працаваў і быў падключаны да каналізацыі. У палацы ён прастаяў усяго два дні — і гэты час ахова назірала, каб ніхто ім не скарыстаўся.
Важыў арт-аб'ект 98 кілаграмаў.
У рабаванні палаца абвінавачваюць 39-гадовага Майкла Джонса з Оксфарда, 36-гадовага Фрэдэрыка Доу з Віндзора і 41-гадовага Бора Гючдзюк з Лондана.
Як сцвярджае бок абвінавачвання, паведамленні, знойдзеныя ў іх тэлефонах, даказваюць, што мужчыны дамовіліся аб куплі-продажу 20 кілаграмаў выкрадзенага золата за 25,632 фунта стэрлінгаў (цяпер — прыкладна 33,6 тысяч долараў) за кілаграм, што прыкладна на 3 тысячы фунтаў танней тагачаснай рынкавай цаны.
-
Трамп прымае вялікую дозу аспірыну для разрэджвання крыві. Праз гэта ў яго лёгка з'яўляюцца сінякі
-
Каля 40 чалавек загінулі, больш за 100 з траўмамі. Ахвяры страшнага пажару на раскошным альпійскім курорце
-
23‑гадовага ўкраінца затрымалі ў Варшаве з глушылкай — ён звярнуў на сябе ўвагу тым, што гадзінамі праседжваў у кавярні ў аэрапорце
«Запускайце далей салюты, а я выклічу міліцыю». Беларусы спрачаюцца пра забарону на феерверкі2
Каментары