Здароўе22

Роўна пяць гадоў таму ў Беларусь прыйшоў каранавірус

Хваробу выявілі 27 лютага 2020 года ў студэнта-іранца, які вярнуўся з Баку.

27 лютага 2020 года тэсты, праведзеныя ў Рэспубліканскім навукова практычным цэнтры эпідэміялогіі і мікрабіялогіі, паказалі наяўнасць каранавіруса 2019-nCoV у аднаго са студэнтаў з Ірана, які прыбыў рэйсам з Баку 22 лютага.

Пацыент і людзі, якія кантактавалі з ім, былі змешчаныя ў зачыненыя боксы ў Мінскай інфекцыйнай бальніцы.

Мінздароўя паведаміла пра гэта на наступны дзень — 28 лютага.

З канца сакавіка Мінздароўя пачало штодня паведамляць пра колькасць выпадку кавіду ў дзень, але многія лічылі гэту статыстыку непраўдзівай. 

З ліпеня 2022 года пра статыстыку наогул забылі.

Паводле звестак Мінздароўя, за ўвесь перыяд распаўсюджвання інфекцыі (ад сакавіка 2020-га па ліпень 2022-га, больш новых даных не публікавалася) памерлі 7 118 пацыентаў з выяўленым COVID-19, а перахварэлі на кавід 994 тысячы 337 чалавек

Аднак «Кіберпартызаны» знайшлі, што каранавірусная інфекцыя як прычына смерці ў дакументах прастаўленая ў 22 759 выпадках — гэта значыць, больш як у тры разы, чым у афіцыйна абвешчанай уладамі колькасці ахвяр кавіду. 

Афіцыйная статыстыка не ўлічвала смерцяў пацыентаў ад ускладненняў розных хвароб, выкліканых каранавірусам. У такіх выпадках у пасведчаннях аб смерці COVID-19 не адзначалася, а фіксавалася асноўная хвароба.

Разлікі «Кіберпартызанаў» не адрозніваюцца ад вынікаў даследавання, апублікаванага раней у навуковым часопісе The Lancet, на аснове звестак пра смяротнасць, якія ад беларускіх уладаў атрымлівала ААН.

Вучоныя вылічылі, што залішняя смяротнасць у нашай краіне з 1 студзеня 2020-га па 31 снежня 2021 года перавысіла 85 600 чалавек. На той момант залішняя смяротнасць за студзень — сакавік 2022 года была яшчэ невядомая.

Каментары2

  • відьмаявідьма
    27.02.2025
    Мінздароўя паведаміла пра гэта на наступны дзень — 28 лютага.
    ...
    тады, калі мы знатна пакаталіся ў Букаўлі...
  • covid убивает
    28.02.2025
    Караник, который тогда был министром здравоохранения, при котором занижались цифры по умершим, на этих выборах умудрился впервые дать прирост избирателей в Гродненской области, который выше, чем в Брестской области, чем в Минске, чем в остальных областях вместе взятых.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Ці сапраўды «Авія Мол» такі жахліва велізарны, як яго апісваюць?

Ці сапраўды «Авія Мол» такі жахліва велізарны, як яго апісваюць?

Усе навіны →
Усе навіны

«Гучыць не так ужо шмат, але гэта вельмі шмат». Трамп выказаўся пра пуцінскае трохдзённае перамір'е2

АПЕК+ рэзка павялічвае здабычу нафты. Гэта ўдарыць па расійскім бюджэце4

У рэчыцкім парку ў гонар лётчыкаў часоў вайны паставілі цывільны самалёт 35-гадовага ўзросту3

Ксяндза Акалатовіча перавялі ў калонію ў дзень святкавання Вялікадня1

Прапагандысты анансавалі інтэрв'ю з усімі палякамі, асуджанымі ў Беларусі за шпіянаж4

Наколькі ўсё кепска з эканомікай Кітая? Пекін схаваў усю статыстыку, якая магла б даць адказ на гэтае пытанне7

Выдалены тэлеграм-канал школьнікаў, якія выступалі супраць пакістанскіх мігрантаў, прызналі «экстрэмісцкім»4

Прыкметна павялічылася колькасць пенсіянераў, якія працуюць5

З'явіліся ФОТЫ з выступлення Віктара Цоя ў Мінску ў 1989 годзе17

больш чытаных навін
больш лайканых навін

Ці сапраўды «Авія Мол» такі жахліва велізарны, як яго апісваюць?

Ці сапраўды «Авія Мол» такі жахліва велізарны, як яго апісваюць?

Галоўнае
Усе навіны →

Заўвага:

 

 

 

 

Закрыць Паведаміць