У Крамлі адрэагавалі на спыненне ЗША ваеннай дапамогі Украіне: Найлепшы ўклад у справу міру
У Крамлі пракаментавалі паведамленні пра спыненне паставак амерыканскай ваеннай дапамогі Украіне. Дзмітрый Пяскоў назваў гэта «найлепшым укладам» у «мірнае» ўрэгуляванне расійска-ўкраінскай вайны.
Прыпыненне амерыканскай вайсковай дапамогі Украіне будзе спрыяць мірнаму ўрэгуляванню, заявіў прэс-сакратар прэзідэнта Расіі, піша «Інтэрфакс».
«Яшчэ трэба будзе даведацца дэталі, але, калі гэта адпавядае рэчаіснасці, то гэта рашэнне, якое, сапраўды можа падштурхнуць Кіеўскі рэжым да мірнага працэсу», — сказаў Дзмітрый Пяскоў.
Паводле яго слоў, «тое, што да гэтага часу ЗША былі галоўным пастаўшчыком гэтай вайны, гэта відавочна».
«Калі ЗША прыпыняць гэтыя пастаўкі, гэта будзе, напэўна, найлепшы ўклад у справу міру», — дадаў Пяскоў.
Пры гэтым прадстаўнік Крамля заўважыў, што некаторыя еўрапейскія краіны заяўляюць аб намеры працягваць аказваць усебаковую дапамогу Украіне. «Гэта значыць яны неяк, напэўна, будуць спрабаваць кампенсаваць страчаныя аб'ёмы боепрыпасаў і ўсяго астатняга. Але, вядома ж, самы галоўны аб'ём да гэтага часу атрымліваўся са Злучаных Штатаў і па каналах Злучаных Штатаў», — сказаў ён.
«Паглядзім. Цяпер вельмі шмат разрозненай інфармацыі, галоўным чынам яна ідзе са спасылкай на крыніцы. І вядома, трэба глядзець, як развіваецца сітуацыя на зямлі», — дадаў ён.
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца4
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1010
Каментары