2-і Заходні акруговы вайсковы суд на выязным пасяджэнні ў Курскім абласным судзе агучыў прысуд 22-гадоваму грамадзяніну Вялікабрытаніі Джэймсу Скоту Рысу Андэрсану па справе аб тэракце і наёмніцтве падчас узброенага канфлікту.
Андэрсана прысудзілі да 19 гадоў пазбаўлення волі. Прычым першыя 5 гадоў ён павінен адбыць у турме, астатні тэрмін — у калоніі строгага рэжыму, паведамляе «Медыязона».
Справу разглядалі ў закрытым рэжыме.
Паводле інфармацыі суда, у якасці сведкі быў дапытаны адзін з байцоў УСУ, які знаходзіўся ў адным падраздзяленні з Андэрсанам.
Абвінавачаны прызнаў віну, сцвярджае суд.
Следства сцвярджае, што ў лістападзе 2024 года Андэрсан у складзе «ўзброенага фармавання» незаконна перасек расійскую мяжу і трапіў у Курскую вобласць, дзе ўдзельнікі фарміравання «здзейснілі злачынствы супраць мірнага насельніцтва».
Андэрсан — адзін з першых іншаземцаў, узятых у палон расійскімі вайскоўцамі пасля ўварвання УСУ ў Курскую вобласць і абвінавачаных у наёмніцтве.
Цяпер чытаюць
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць3131
Каментары