У Дзятлаўскім раёне мужчына зладзіў прыцэльную стральбу па дарожных знаках
У Дзятлаўскім раёне малады чалавек набыў праз інтэрнэт пнеўматычны пісталет і пачаў страляць па дарожных знаках, а таксама пашкодзіў лабавое шкло прыпаркаванага аўтамабіля, паведамляе «Вечерний Гродно».
Паведамленне пра стрэлы паступіла ў міліцыю ад мясцовага жыхара. Сілавікі высветлілі, што стральба вялася з пісталета, які вонкава нагадваў пнеўматычную зброю. Затым зброю канфіскавалі і накіравалі на экспертызу.
Судовыя эксперты пацвердзілі, што гэта заводскі пнеўматычны газабалонны пісталет з сярэдняй дульнай энергіяй каля 2,4 Дж.
Сам малады чалавек прызнаўся, што купіў зброю ў інтэрнэце, але не меў неабходных дакументаў на яе выкарыстанне, свае ж дзеянні патлумачыць увогуле не мог.
Па гэтым факце Дзя́тлаўскі РАУС праводзіць праверку. Эксперты нагадваюць, што нават пнеўматычная зброя з нізкай магутнасцю можа быць небяспечнай, яна здольная наносіць траўмы і пашкоджанні.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў5
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары