Лукашэнка папросіць «нябесную канцылярыю» пра сухое надвор'е на час жніва
Аляксандр Лукашэнка звярнуў увагу на неабходнасць якаснага правядзення ўборачнай кампаніі. Ён адзначыў, што сёлета на палях спее добры ўраджай, які важна сабраць без страт. Ён збіраецца дамовіцца.
Паводле слоў Лукашэнкі, аграрыі ўжо актыўна ўключыліся ў працу і пачалі прыбіраць азімы ячмень, які паказаў неблагі вынік. Галоўнай праблемай на дадзеным этапе застаюцца дажджы. Лукашэнка сказаў, што, мяркуючы па здымках з космасу, у бліжэйшыя дні краіну яшчэ патурбуе цыклон з паўночнага захаду.
У сувязі з гэтым Лукашэнка заявіў, што будзе прасіць «нябесную канцылярыю», каб Гасподзь даў сухую пагоду на перыяд жніва.
«Буду прасіць нябесную канцылярыю, каб даў [Гасподзь] сухую пагоду. Таму што мы ўжо ўцягнуліся ва ўборку», — сказаў ён.
Днямі Лукашэнка выступаў у Гродне на фестывалі нацыянальных культур і сказаў, што гэта ён «падараваў» гродзенцам дождж: «Вы прасілі — я зрабіў».
Гэтая рыторыка добра кладзецца на яго даўнюю крылатую фразу «Вы прасілі дождж — я даў вам дождж», якая ўжо ходзіць па падборках лукашэнкаўскіх перлаў з 90-х.
Цяпер чытаюць
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў5
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары