Віцебскія чыноўнікі забаранілі прапаганду конкурсу сачыненняў пра Леніна
Матывавана гэта тым, што аб’явы расцэньваюцца як умяшальніцтва ў навучальны працэс, што недапушчальна.
Віцебскі аблвыканкам забараніў прадстаўнікам віцебскага абласнога камітэта Беларускай партыі левых «Справядлівы cвет» развесіць ў навучальных установах аб’явы аб правядзенні сярод школьнікаў і студэнтаў конкурсу на лепшае сачыненне, прысвечанае правадыру бальшавіцкай рэвалюцыі 1917 года ў Расіі Ўладзіміру Леніну.
Як паведаміў старшыня абласной арганізацыі Мікалай Селівашка, чыноўнікі з абласнога ўпраўлення адукацыі матывавалі гэта тым, што аб’явы расцэньваюцца як умяшальніцтва ў навучальны працэс, што недапушчальна.
Паводле арганізатараў, тэматыка сачыненняў разнастайная — ад адлюстравання вобразу Леніна ў літаратуры і мастацтве да высвятлення значэння для сучаснай моладзі прамовы правадыра бальшавіцкай рэвалюцыі на трэцім з’ездзе камсамола.
Пакуль, паводле спадара Селівашкі, на конкурс пададзена толькі адна работа. Вынікі будуць падведзены пасля 20 красавіка. Галоўным прызам конкурса заяўлена падарожжа ў Санкт‑Пецярбург з абавязковым наведваннем крэйсера «Аўрора».
Каментары