Пракуратура растлумачыла, чаму ў Беларусі забаранілі лагатып моднага брытанскага брэнда
Пракуратура лічыць, што гэты лагатып нівеліруе ў моладзі нецярпімасць да нацызму.
Прокуратура Гомельскай вобласці прызнала экстрэмісцкім лагатып брытанскага моднага брэнда BOY London.
Адзенне з лагатыпам у выглядзе арла, які трымае ў лапах літару «О», пракуроры знайшлі на маркетплэйсах. Паводле высновы ведамства, лагатып падобны да партыйнага арла НСДАП, толькі замест свастыкі ён трымае літару.
У пракуратуры прызналі, што аўтары брэнда адмаўляюць падабенства з нацысцкім сімвалам. Аднак, на думку ведамства, «выява брэнда на пастаяннай аснове падвяргаецца крытыцы з боку асобных нацыянальных груп і слаёў насельніцтва, тым самым спрыяючы ўзнікненню канфліктаў на расавай, нацыянальнай, рэлігійнай або іншай сацыяльнай аснове, у тым ліку ў інтэрнэце».
«Знаходжанне ў свабодным абароце прадукцыі гэтай гандлёвай маркі нічым не памяншала ў насельніцтва, перш за ўсё ў падрастаючага пакалення, непераноснасць да нацызму.
Гэта спрыяла скажэнню гістарычнай памяці, паколькі ўхвалялася выкарыстанне ў паўсядзённым жыцці, у тым ліку праз схаванае брэндаванне, сімволікі і атрыбутыкі арганізацый і іншых структур, якія здзейснілі злачынствы супраць міру і бяспекі чалавецтва, вайсковыя і іншыя злачынствы, устаноўленыя прыгаворам Міжнароднага ваеннага трыбунала», — гаворыцца ў заяве пракуратуры.
У выніку лагатып прызналі «экстрэмісцкім», а ўсю вопратку з ім пракуроры даручылі выняць з продажу ў Беларусі.
Брэнд BOY London заснаваў у 1976 годзе брытанскі анархіст Стэфан Рэйнар. Брэнд пачаў выпускаць правакацыйную і канфрантацыйную вопратку, якая карысталася вялікім поспехам у моладзі — перш за ўсё, нефармалаў.
-
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
-
Беларус з праблемамі з псіхікай стаў у Расіі намінальным дырэктарам. А як справа накрылася, забралі на фронт — у адзін канец
-
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу4
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1818
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх18
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
Бурная видимость необходимости, незаменимости и остальных сти........
Бабло из воздуха куётся.