Мітрапаліт Тадэвуш Кандрусевіч выказаў занепакоенасць лёсам комплексу бернардынскага кляштара ў Мінску.
Мітрапаліт Тадэвуш Кандрусевіч выказаў занепакоенасць лёсам комплексу бернардынскага кляштара ў Мінску.
«Заўсёды казалі, што там будзе музей, нават запрапануюць каталіцкаму касцёлу зрабіць частку экспазіцыі. Але зусім нядаўна я даведаўся, што распрацаваная дакументацыя, каб там стварыць гатэльны комплекс».
Тадэвуш Кандрусевіч таксама паведаміў, што на свой зварот да ўладаў атрымаў адказ ад дырэктара КУП «Мінская спадчына» Паўла Шыкунца. У адказе паведамляецца, што гэтае пытанне абмеркаванае і ўзгодненае з усімі зацікаўленымі арганізацыямі на сімпозіюмах і сустрэчах.
«Але нас туды ніхто ніколі не запрашаў», — паведаміў мітрапаліт.
Як падкрэсліў Тадэвуш Кандрусевіч, асаблівы непакой выклікае тое, што прадугледжаная не толькі рэстаўрацыя, але таксама рэканструкцыя кляштарнага комплексу. «Гэта самы стары будынак, які знаходзіцца ў Мінску. Іх некалькі — толькі на пальцах пералічыць.
І сёння, калі ўвесь свет так моцна клапоціцца пра тое, каб захаваць спадчыну, «Мінская спадчына», якая павінна захоўваць спадчыну, яе разбурае».
Цяпер чытаюць
Лукашэнка: Размова з Макронам доўжылася 1 гадзіну 40 хвілін. Пройдуць перамовы з прадстаўніком Францыі1
Каментары