Ён працягваў яе пісаць нават у пастарунку.
Вядомы віцебскі апазіцыянер Барыс Хамайда сёння аб 11 гадзіне выйшаў да помніка Караткевічу ў Віцебску, паставіў свой невялічкі столік з бела-чырвона-белым сцяжком і пачаў пісаць дыктоўку. Дыктаваў яму Сяргей Каваленка, каторы праславіўся зімой, вывесіўшы над галоўнай навагодняй елкай Віцебска нацыянальны сцяг. Тэкстам дыктоўкі абралі прадмову да твору Караткевіча «Зямля пад белымі крыламі».
Як паведаміў «НН» сам Барыс Хамайда, дыктоўка працягвалася 15 хвілін. Да помніка Караткевічу хутка пад’ехала міліцэйская машына і адзінага яе ўдзельніка павезлі ў Кастрычніцкі РАУС, звінаваціўшы ў арганізацыі несанкцыянаванага пікету.
Пасля затрымання Барыс Хамайда працягваў пісаць дыктоўку ў актавай залі Кастрычніцкага
РАУС Віцебска. «Адно што гэта ўжо не дыктоўка, а пераказ атрымаўся» – наракаў спадар Хамайда.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары