Як мінімум 148 чалавек былі знойдзены мёртвымі ў Дэмакратычнай Рэспубліцы Конга пасля таго, як матарызаваная драўляная лодка загарэлася і перавярнулася, піша Reuters са спасылкай на мясцовыя СМІ і чыноўнікаў.
Паводле паведамленняў, на судне знаходзілася каля 500 пасажыраў, у тым ліку жанчыны і дзеці, калі яно перавярнулася на рацэ Конга.
Старыя драўляныя судны з’яўляюцца асноўным відам транспарту паміж вёскамі і часта загружаныя значна больш, чым могуць умясціць, адзначае Reuters.
Судна HB Kongolo загарэлася недалёка ад горада Мбандака. Каля 100 тых, хто выжыў, былі дастаўлены ў імправізаванае сховішча ў мясцовай ратушы, а тых, хто атрымаў апёкі, даставілі ў бальніцы, паведамляе Sky News.
Пажар пачаўся, калі жанчына гатавала ежу на борце судна.
«Размаўляў увесь час па-беларуску». Павел Севярынец запісаў свой першы зварот пасля вызвалення18
Каментары