Эканоміка22

Пасля дэфіцыту бульбы і капусты ўлады спрабуюць не дапусціць калапсу з агуркамі — у некаторых гарадах не хапае

Нядаўна беларусы сутыкнуліся з дэфіцытам бульбы, капусты і цыбулі. Каб знайсці простую гародніну, прыходзілася моцна пастарацца. Цяпер у некаторых гарадах назіраюцца таксама праблемы з пастаўкай агуркоў.

У прыватнасці, з гэтым сутыкнуліся жыхары Горак, Баранавіч, Краснаполля і Кобрына.

У Горках, каб вырашыць праблему з недахопам агуркоў у крамах, прыйшлося падняць на вушы чыноўнікаў: напрыклад, начальніцу ўпраўлення эканомікі райвыканкама Ірыну Канцавую і прадстаўнікоў райспажыўтаварыства. Прычына дэфіцыту — «перабоі з пастаўкамі на складах».

«Нягледзячы на часовыя цяжкасці з дастаўкай агуркоў у Горках, дзякуючы супольнай працы раённай улады і гандлёвых аб'ектаў сітуацыя паступова паляпшаецца», — адрапартавалі ў мясцовай прэсе.

Прылавак «Еўраопта». Фота: gorkiv.by

Недахоп агуркоў Міністэрства антыманапольнага рэгулявання і гандлю прагназавала яшчэ ў пачатку месяца: пра гэта стала вядома з непублічнага ліста ў Мінсельгасхарч, які «Белпол» перадаў «Люстэрку».

У дакуменце сярод прычын перабою называецца невыкананне вытворцамі планаў па аб'ёмах прадукцыі для ўнутранага рынку, а таксама змена цыкла іх вырошчвання пад канец сакавіка.

Напрыклад, як сцвярджаюць у структуры, «Еўрагандаль» атрымаў менш за палову ад таго аб’ёму, пра які загадзя дамовіўся з пастаўшчыкамі. А ў «Дабранома» праблемы з атрыманнем прадукту яшчэ з 23 сакавіка.

Чытайце таксама: Гнілое, затое нядорага. Як папулісцкі ўказ Лукашэнкі аб абмежаванні нацэнкі ўплывае на ўсіх удзельнікаў ланцужка паставак гародніны

Пры гэтым яшчэ ў лютым на фоне падаражэння імпартных агуркоў у крамах міністр антыманапольнага рэгулявання і гандлю Аляксей Багданаў запэўніваў, што ў сакавіку беларусы будуць цалкам забяспечаныя сваімі агуркамі.

Амаль тады ж намеснік міністра сельскай гаспадаркі і харчавання Уладзімір Гракун справаздачыўся, што, каб забяспечыць беларусаў гароднінай у міжсезонне, у краіне распрацавалі стратэгію развіцця цяплічнага гародніцтва на 2023—2027 гады: «Агулам у стратэгію ўвайшлі 10 цяплічных камбінатаў. Яны правялі мадэрнізацыю на 23 га, што нам дазволіла ў 2023 годзе ўжо на 100% забяспечыць патрэбу айчынным агурком».

Што тычыцца цэн, то цяпер яны куды менш шакуючыя, чым зімой: тады цана на імпартныя агуркі дасягала 12-16 рублёў за кілаграм, за беларускія прасілі ад васьмі рублёў.

Цяпер у анлайн-дастаўках можна замовіць як гладкія, так і калючыя беларускія гуркі па 6-7 рублёў за кілаграм.

Скрыншот: edostavka.by
Скрыншот: green-dostavka.by

Калі ж хочацца яшчэ танней, трэба ісці на рынак. Так, на Камароўцы ў суботу, 26 красавіка, у некаторых прадаўцоў з сезоннага рынку ўжо былі заўважаныя агуркі па 3-4 рублі за кіло.

Каментары2

  • Агуркі ў ліпені
    28.04.2025
    Свежыя агуркі будуць ў ліпені.
    Цяпер ешце з банак.
  • Жэстачайшае патрабаванне!
    28.04.2025
    Народ трэбуе нягайна адпусціць грошы на гародніну!

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»43

Стала вядома, як будзе выглядаць выпраўленая скульптура беларускай жанчыны ў Быхаве20

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць67

Сяргей Ціханоўскі абурыўся беларускай мовай Святланы Ціханоўскай96

Пастаўкі беларускага бензіну ў Расію дасягнулі рэкорднага ўзроўню4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць