Украіна перадала Расіі палоннага беларуса, летась захопленага ў Луганскай вобласці
Украіна ў межах абмену палоннымі 6 мая перадала Расіі грамадзяніна Беларусі Дзмітрыя Ананчыка з Мінска, якога ў снежні 2024 года захапілі падчас баёў у Луганскай вобласці, даведалася «Радыё Свабода».
Як паведамілі «Радыё Свабода» ва ўкраінскім праекце «Хачу жыць», Дзмітрый Ананчык быў у ліку 205 палонных расійскіх вайскоўцаў, якіх Украіна перадала Расіі на тэрыторыі Беларусі. Расійскі бок перадаў Украіне такую ж колькасць украінскіх палонных.
Цяпер Дзмітрый Ананчык, як і ўсе расійскія палонныя, знаходзіцца на тэрыторыі Беларусі. Пакуль няма дакладнай інфармацыі, ці застанецца ён у Беларусі. Вядома, што ў Мінску яго чакаюць бацька, брат і пяцігадовы сын.
Згодна з паведамленнем Міністэрства абароны Расіі, цяпер усім расійскім вайскоўцам у Беларусі аказваюць «неабходную псіхалагічную і медыцынскую дапамогу, а таксама магчымасць звязацца з сваякамі». Пазней «усіх вызваленых вайскоўцаў перавязуць у Расію на лячэнне і рэабілітацыю ў медыцынскія ўстановы Міністэрства абароны Расіі».
Ва ўкраінскім праекце «Хачу жыць» не выключылі, што расійскіх вайскоўцаў, якіх сёння перадалі, камандаванне можа зноў накіраваць у так званыя «мясныя штурмы». Паводле інфармацыі ўкраінскага боку, «рэабілітацыю» вызваленыя расійскія палонныя будуць праходзіць у падмаскоўнай вайсковай часці 27-й асобнай мотастралковай брыгады, дзе іх спачатку дапытаюць прадстаўнікі ФСБ, потым яны атрымаюць тыдзень адпачынку, а пасля зноў будуць адпраўленыя на фронт.
Дзмітрый Ананчык родам з Мінска, нарадзіўся ў 2000 годзе, да вайны працаваў у лагістычных і будаўнічых кампаніях. Мае сярэднюю спецыяльную адукацыю па спецыяльнасці «токар-слесар».
Як расказаў сам Дзмітрый Ананчык падчас знаходжання ў палоне, у Луганск ён прыехаў па працы і ў канцы снежня 2024 года мусіў ужо вяртацца ў Беларусь, але яго «схапіла паліцыя і завезла ў аддзяленне», куды звозілі «нелегалаў розных нацыянальнасцяў».
Паводле слоў беларуса, яго нібыта прымусілі падпісаць кантракт з Узброенымі сіламі Расіі, а 19 снежня ён ужо трапіў ва ўкраінскі палон, калі выконваў «першае заданне». Ён служыў шараговым стралком.
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м87
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1414
Каментары