Грамадства1313

«Алё, ідэолагі, вы там зусім ку-ку?»: беларус абурыўся шалёным коштам папяровага чырвона-зялёнага сцяжка

Эмацыянальны допіс у трэдс пакінуў беларус, які пабачыў, колькі каштуе настольны папяровы чырвона-зёляны сцяжок у краме «Суседзі». «У другіх краінах гэта прынята бясплатна раздаваць!» — перакананы ён.

Мужчына сфатаграфаваў цэннікі на паліцы пад назвай «Дзяржаўныя сімвалы». Бачна, што просценькая стужка з кветкай яблыні (афіцыйны сімвал лукашэнкаўскіх мерапрыемстваў, прысвечаных вайне) каштуе 2 рублі 26 капеек. А за мініяцюрны чырвона-зялёны сцяг, які можна паставіць на стол, просяць ажно 17 рублёў 38 капеек. Зроблены тавары ў Беларусі.

«Мяне збянтэжанасць бярэ ад нашых ідэолагаў. 17 рублёў за папяровы сцяжок на пластыкавай палачцы? Алё, вы там зусім ку-ку? Мне хацелася б даведацца фірму-вытворцу, якая зарабляе працэнтаў з 800 на такіх таварах. У іншых краінах гэта прынята бясплатна раздаваць. МАРГ у курсе?» — напісаў у трэдс абураны беларус.

Меркаванні ў каментарыях падзяліліся, нават калі адкінуць жарты на тэму таго, каму ў прынцыпе можа быць патрэбны такі сцяжок. Нехта пагадзіўся з аўтарам, што цэны на «патрыятычныя» тавары далёка не гуманныя: «Бачыла ў краме бутаньерку (звычайная стужачка) за 6 рублёў. Сказаць, што я была ў шоку — нічога не сказаць», «У нас бутаньеркі напярэдадні свята прадавалі па 9 рублёў. І тое не такія, як зараз патрабуюць».

Але ж былі і тыя, хто знайшоў апраўданне высокім коштам: «А чаму ў нас мусіць быць як у іншых краінах? Мы самі сабе гаспадары! А цана такая правільная, гэта не тавары першай неабходнасці. Пакрыць растраты на святы таксама трэба. У нас няма ні нафты, ні газу. Не задавальняе кошт — не купляйце».

Дарэчы, можна згадаць гісторыю алімпійскага чэмпіёна Аляксея Грышына, які згубіў 20 тысяч даляраў, калі спрабаваў гандляваць у Беларусі напярэдадні Дня перамогі каларадскімі «георгіеўскімі» стужкамі ў 2012 годзе. Тады на яго складзе засталося каля 250 тысяч тых стужак — нікому не патрэбных. Грышын казаў, што планаваў сабраць на продажы грошы для спартсменаў з інваліднасцю, аднак беларусы яго ідэю не падтрымалі і набываць стужкі не кінуліся.

Каментары13

  • экс-палітвязень
    13.05.2025
    Як кажуць у народзе, нават калі б заплацілі мне - ня ўзяў бы гэтую поскудзь.
  • Улад
    13.05.2025
    Гэтыя кошты разлічаны на "бюджэтных" пакупнікоў. Школы, арганізацыі, розныя установы ... "Нічыйныя" грошы яны звычайна не шкадуюць!
    Ну, можа яшчэ якое дурное "физлицо" купіць.
  • ХВ
    13.05.2025
    Просто очень хочется денег. Вот и приходится под видом продажи хлама по сути выпрашивать милостыню.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Еўрасаюз рыхтуе поўную забарону аперацый з беларускімі банкамі46

Еўрасаюз рыхтуе поўную забарону аперацый з беларускімі банкамі

Усе навіны →
Усе навіны

Стала вядома, колькі людзей у Беларусі пакаралі за падзеж жывёлы2

Хто тыя людзі, якімі запоўнілі Нацыянальны футбольны стадыён пры яго адкрыцці?20

Папа Леў XIV выступіў за святкаванне ўсімі хрысціянамі Вялікадня ў адзін дзень5

Рутэ: НАТА трэба павялічыць выдаткі на СПА ў пяць разоў3

У мінскай Грушаўцы каля адной з кавярняў заўважылі малпу2

У Расіі прапанавалі адключаць інтэрнэт па начах для павышэння нараджальнасці8

Памёр пісьменнік і разведчык Фрэдэрык Фарсайт1

Каханне, здрада і мядовы месяц. Жанчыну ў Індыі арыштавалі за забойства мужа адразу пасля вяселля2

Гурт «Дразды» пакідае сцэну і вінаваціць у гэтым «гіперактыўных блогераў»10

больш чытаных навін
больш лайканых навін

Еўрасаюз рыхтуе поўную забарону аперацый з беларускімі банкамі46

Еўрасаюз рыхтуе поўную забарону аперацый з беларускімі банкамі

Галоўнае
Усе навіны →

Заўвага:

 

 

 

 

Закрыць Паведаміць