У Кітаі жанчына выжыла пасля 22-х удараў нажом дзякуючы грудным імплантам
У горадзе Ханчжоў, што ў кітайскай правінцыі Чжэцзян, на аўтастаянцы каля гандлёвага цэнтра на жанчыну напаў невядомы мужчына. Калі 30-гадовая Ма сядала ў машыну, нападнік залез на пярэдняе сядзенне і пачаў пагражаць ёй нажом. Яе крыкі пра дапамогу ніхто не пачуў, паведамляе The South China Morning Post.
Мужчына прымусіў жанчыну ехаць у суседні раён. Аднак калі ён на хвіліну адхіліў сваю ўвагу, дзяўчына змагла звязацца са сваім хлопцам, які выявіў яе месцазнаходжанне і выклікаў паліцыю.
Калі праваахоўнікі прыбылі на месца, нападнік спачатку стаў наносіць Ма шматлікія ўдары нажом у грудзі (усяго іх налічылі 22), а пасля скончыў жыццё самагубствам.
Жанчыну тэрмінова даставілі ў бальніцу. Як адзначылі лекары, яе жыццё ўдалося выратаваць дзякуючы грудным імплантам, якія засцераглі жыццёва важныя органы.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося29
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1111
Каментары