У сталіцы затрымалі кіраўнікоў буйных страхавых кампаній, якіх падазраюць у атрыманні хабараў.
ГУБАЗіК разам з «Алмазам» затрымалі двух генеральных дырэктараў страхавых кампаній, 47 і 62 гадоў, а таксама 65-гадовага мужчыну, які раней займаў аналагічную пасаду. Самі кампаніі не называюцца.
Паводле звестак МУС, затрыманыя ў чэрвені гэтага года атрымалі хабары, меркавана, дзясяткі тысяч долараў і еўра, за садзейнічанне ў працягненні дзелавога супрацоўніцтва з камерцыйнымі структурамі. Што гэта значыць, таксама не ўдакладняецца.
Супраць затрыманых распачатыя крымінальныя справы за хабар у буйным памеры. Санкцыя артыкула прадугледжвае да 10 гадоў пазбаўлення волі.
Праводзіцца праверка фінансавай дзейнасці страхавых фірмаў за апошнія гады.
Цяпер чытаюць
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»12
Каментары