«Нашай Ніве» стала вядома, у чым абвінавачваюць топ-менеджмент страхавых кампаній ТАСК і «Прамтрансінвест». Схема магчымая ў беларускай эканоміцы, завязанай на дзяржаву. У рынкавай гэтага б не дапусціў рынак.
Сілавікі паведамілі пра затрыманне двух генеральных дырэктараў страхавых кампаній, а таксама мужчыны, які раней займаў аналагічную пасаду. Самі кампаніі не называліся.
Гаворка ідзе пра дырэктараў страхавых кампаній ТАСК і «Прамтрансінвест» — Ігара Волкава і Уладзіміра Яфрэменку.
Абедзве кампаніі можна лічыць дзяржаўнымі. ТАСК належыць на 75% структурам Белчыгункі і на 25% Сбер Банку, а ў «Прамтрансінвесце» доля дзяржавы перавышае 60%.
Паводле інфармацыі «Нашай Нівы», іншым бокам справы — тымі, хто даваў хабары — сталі аўтарамонтнікі.
Кіраўнікоў дэ-факта дзяржаўных страхавых кампаній Ігара Волкава і Уладзіміра Яфрэменку абвінавачваюць у тым, што яны так уладкоўвалі бізнэс, каб кліенты іх кампаній пры наступленні страхавых выпадкаў прыярытэтна звярталіся да канкрэтных пастаўшчыкоў паслуг.
Тыя, у сваю чаргу, быццам бы выстаўлялі завышаную цану на паслугу. Кліенту гэта было няважна, бо рамонт кампенсуецца страхавой кампаніяй. А рамонтнікі, быццам бы, дзяліліся дадаткова заробленай такім чынам розніцай з менеджментам страхаўшчыкоў.
У гэтым і палягае сэнс абвінавачвання.
Законы, па якіх дзейнічае беларускі страхавы рынак, у асноўным напісаны пад такія кампаніі, з вялікай доляй дзяржаўнай уласнасці.
Значная частка абавязковых страховак — кшталту страхавання адказнасці кіроўцаў транспартных сродкаў, здароўя, грамадзянскай адказнасці, маёмасці — робіцца толькі праз іх.
Абаротныя сродкі і прыбытак такіх кампаній складаюць, у вялікай ступені, выплаты ад дзяржаўных структур і абавязаных грамадзян.
У выпадку апісанай схемы частка гэтых сродкаў, як трактуюць органы, пераразмяркоўвалася пад выглядам страхавых выплат на асабістае ўзбагачэнне менеджараў страхавых кампаній.
Сілавікі заяўляюць, што правяраюць работу за мінулыя гады многіх страхавых кампаній. Як можна меркаваць, будуць шукаць сляды такога роду схем па іншых профілях дзейнасці дзяржаўных страхавых кампаній і іхніх партнёраў.
У выпадку, калі б у Беларусі было іншае рэгуляванне сферы і канкурэнцыя паміж прыватнымі кампаніямі, то такія схемы папросту не маглі б існаваць — таму што ўласнікам было б нявыгадна частку свайго прыбытку праводзіць праз пасярэднікаў.
-
20‑гадовую дзяўчыну з аграрадка Макраны на мяжы з Украінай асудзілі за Гаюна
-
Сабаленку ў Мінску ахоўвала кампанія, заснаваная былым гэбістам і ўчастковым. На пярэднім краі быў легендарны Іваныч
-
Польшча рэзка знізіла выдачу міжнароднай абароны беларусам. У чэрвені адмоў удвая больш, чым станоўчых рашэнняў
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1515
Каментары
"цераз" = поперёк чего-либо, с одной стороны на другую, поверх чего-либо
Согласен, это прошлый век. Нужна конкурентность, рентабельность и рыночная экономика.