Гатунак быў на выпрабаванні тры гады.
У Віцебскай вобласці расказалі пра новыя гатункі бульбы, якія вырошчваюць.
«З ранніх гатункаў добра зарэкамендавала сябе [бульба] «Умка». Яна ў нас на выпрабаванні была тры гады. Сёлета была ўключана ў дзяржаўны рэестр для далейшай вытворчасці і рэалізацыі. Сярэдняя ўраджайнасць ў яе за тры гады была 536 цэнтнераў з гектара», — кажа СТБ загадчыца Віцебскага агародніннага дзяржаўнага сортавыпрабавальнага ўчастка Вольга Балашкова.
На Віцебшчыне вырошчваюць таксама гатунак «Вайлдберыз» з ружовай мякаццю. Ён адрозніваецца высокай ураджайнасцю і вялікім утрыманнем крухмалу.
Гэты гатунак заснавальніца Wildberries Таццяна Кім атрымала ад беларускай Акадэміі навук на дзень нараджэння.
«Навукова-практычны цэнтр Нацыянальнай акадэміі навук Беларусі па бульбаводстве і плодаагародніцтве вывеў і зарэгістраваў новы від бульбы — «Вайлдберыз». І ён фіялетавы!» — дзялілася яна ў 2024-м.
Цяпер чытаюць
«Хачу ўзяць інтэрв’ю» — «Не» — «Давайце я вас сфатаграфую» — «Не». Бяляцкі расказаў пра сустрэчу ў калоніі з Пратасевічам1
Каментары