Прэм’ер Дональд Туск абвясціў пра аднаўленне памежнага кантролю з 7 ліпеня, спасылаючыся на асцярогі адносна некантраляванага патоку мігрантаў. Аднак рашэнне павінна звесці да мінімуму нязручнасці для грамадзян, паведамляе Польскае радыё.
Сёння ў Варшаве праходзіць пасяджэнне ўрада Польшчы, на якім, у прыватнасці, абмяркоўваецца сітуацыя на польска-нямецкай мяжы. Прычынай уключэння гэтага пытання ў парадак дня стала інфармацыя, што нібыта нямецкія памежнікі адпраўляюць мігрантаў у Польшчу з парушэннем працэдур.
Аднаўленне кантролю на мяжы з Германіяй павінна прадухіліць некантралюемы паток нелегальных мігрантаў — так прэм’ер Польшчы Дональд Туск патлумачыў увядзенне кантролю на польска-нямецкай мяжы.
Праверкі пачнуцца ў панядзелак, 7 ліпеня.
Кіраўнік польскага ўрада сказаў, што адсутнасць кантролю стварае цяжкасці з вызначэннем таго, ці сапраўды людзей, якіх у Польшчу адпраўляюць нямецкія памежнікі, трэба прымаць:
«Часовае аднаўленне кантролю на польска-нямецкай мяжы. Мы лічым неабходным скараціць да мінімуму патокі, якія не кантралююцца нашымі службамі — патокі мігрантаў у абодва бакі праз польска-нямецкую мяжу. Спадзяюся, што негатыўныя наступствы з пункту гледжання інтарэсаў польскіх грамадзян будуць зведзены да мінімуму. Такую задачу мы паставілі і перад памежнікамі, і перад іншымі службамі».
Прэм’ер падкрэсліў, што рашэнне носіць часовы характар, але польскі бок усведамляе яго наступствы для грамадзян, таму памежнікі атрымалі адпаведныя даручэнні: «Да мінімуму. Да абсалютнага мінімуму трэба звесці дзеянні, якія маглі б ускладніць звычайным, нармальным людзям транспарціроўку тавараў, прадуктаў, турыстычны рух. Усё гэта павінна адбывацца як мага нармальней і плаўней, і мы зробім усё магчымае, каб гэтыя наступствы былі як мага менш адчувальныя».
Аналагічныя правілы — як і на мяжы з Германіяй — будуць дзейнічаць з 7 ліпеня і на польска-літоўскай мяжы.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ3
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»2929
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»29
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары