Свет

Вялікабрытанія назвала імёны 18-ці пуцінскіх шпіёнаў

Вялікабрытанія апублікавала спіс з 18 супрацоўнікаў расійскай вайсковай разведкі (ГРУ), супраць якіх уведзеныя санкцыі. Яны абвінавачваюцца ў шпіянажы, кібератаках, дыверсіях і арганізацыі злачынстваў як на тэрыторыі Вялікабрытаніі, так і ў іншых краінах Захаду, піша The Moscow Times.

Гэта першы такі крок пры новым міністры замежных спраў Дэвідзе Лэмі і частка ўзмацнення адказу на гібрыдную вайну Расіі, якую, як упэўненыя брытанскія ўлады, прэзідэнт Расіі Уладзімір Пуцін вядзе з мэтай пашырэння хаосу ў Еўропе.

Сярод тых, хто трапіў пад санкцыі, 12 афіцэраў з вайсковай часці 26165, вядомай як хакерская група APT 28 / Fancy Bear. Двое з іх — Іван Ермакоў і Аляксей Лукашаў — узламалі тэлефон Юліі Скрыпаль яшчэ да яе атручвання ў 2018 годзе. Яны таксама знаходзяцца ў вышуку ФБР за ўмяшальніцтва ў выбары ў ЗША.

Гэтая ж часць дапамагала ў анлайн-разведцы падчас расійскай атакі на драматычны тэатр у Марыупалі, нягледзячы на надпіс «ДЗЕЦІ» побач з будынкам. У выніку загінулі сотні мірных людзей.

Пад санкцыі трапілі таксама вайсковыя часці 74455 і 29155, якія датычныя да выбухаў на складзе зброі ў Чэхіі і Балгарыі, арганізацыі забойстваў, у тым ліку справы Скрыпалёў, а таксама да набору наймітаў у Афганістане для атак на кааліцыйныя сілы да іх вываду ЗША з гэтай краіны.

Міністр Дэвід Лэмі заявіў, што Расія не павінна сумнявацца — Захад бачыць яе дзеянні і не збіраецца маўчаць. Брытанскія ўлады падкрэсліваюць: гібрыдныя пагрозы Крамля не зламаюць падтрымку Украіны і ўмацавання бяспекі Еўропы.

Акрамя таго, Associated Press апублікавала даныя пра больш чым 70 выпадкаў гібрыдных нападаў з боку Расіі, яе саюзнікаў ці прарасійскіх структур — гэта шпіянаж, падпалы, кібератакі, дыверсіі, выкарыстанне мігрантаў для дэстабілізацыі, прапаганда і нават спробы забойства.

Адзін з інцыдэнтаў — падпал склада ва ўсходнім Лондане, які належаў украінскай кампаніі. Яго арганізаваў брытанец, завербаваны расійскай разведкай. Суд прызнаў вінаватымі ў гэтым злачынстве пяць чалавек.

Каментары

Цяпер чытаюць

Атака на Усць-Лугу: расійскія каналы паведамляюць пра гібель трох экіпажаў авіятэхнікі18

Атака на Усць-Лугу: расійскія каналы паведамляюць пра гібель трох экіпажаў авіятэхнікі

Усе навіны →
Усе навіны

Беларуска ўдзельнічае ў польскім шоу на выжыванне — і рыхтуецца да шлюбу з сынам вядомай польскай спявачкі13

Кватэра ў Depo стала самай дарагой у кастрычніку. Метр ацанілі ў 8300 даляраў

Чарняўская пра «Быхаўскую мадонну»: Большасць талентаў — у падполлі або эміграцыі. Значыць, выбірай з таго, што даюць4

Украінскія дроны другі раз з пачатку восені атакавалі найбуйнейшы порт Расіі на Балтыйскім моры3

Бацька Меган Маркл пераведзены ў турму пасля таго, як зрэзаў электронны бранзалет

Удзельнічалі ў паўстаннях, былі экзатычнымі слугамі і нават ратавалі магнатаў ад даўгоў. Кім былі афрыканцы ў ВКЛ і Рэчы Паспалітай?23

Больш за 200 мільёнаў чалавек у свеце жывуць на тэрыторыях, за якія змагаюцца банды і паўстанцы3

Клізма з кока-колы дапамагла там, дзе не спрацавалі слабільныя. Як гэта магчыма?7

Каб адслужыць нядзельную каталіцкую імшу ў Баранавічах, давялося ехаць самому біскупу. Больш не было каму9

больш чытаных навін
больш лайканых навін

Атака на Усць-Лугу: расійскія каналы паведамляюць пра гібель трох экіпажаў авіятэхнікі18

Атака на Усць-Лугу: расійскія каналы паведамляюць пра гібель трох экіпажаў авіятэхнікі

Галоўнае
Усе навіны →

Заўвага:

 

 

 

 

Закрыць Паведаміць