Паводле даследавання, апублікаванага ў навуковым часопісе Science Advances, глабальнае пацяпленне спрыяе росту папуляцыі пацукоў у перанаселеных гарадах, піша «Зялёны партал».
Павелічэнне сярэдніх тэмператур і рост урбанізацыі прывялі да таго, што ў многіх гарадскіх раёнах колькасць гэтых грызуноў значна ўзрасла. Даследчыкі звязваюць гэта з павелічэннем сезоннай актыўнасці пацукоў і ростам даступнасці харчовых рэсурсаў.
Дзе сітуацыя найбольш сур’ёзная?
Навукоўцы прааналізавалі даныя аб папуляцыях пацукоў у 16-ці гарадах па ўсім свеце за апошнія 12 гадоў.
Вынікі паказалі, што ў 69% даследаваных гарадоў назіралася павелічэнне колькасці пацукоў.
Асабліва прыкметны рост адзначаны ў Вашынгтоне (ЗША), Нью-Ёрку (ЗША) і Амстэрдаме (Нідэрланды). Аднак у такіх гарадах, як Новы Арлеан і Луісвіл (ЗША) і Токіа (Японія), колькасць пацукоў скарацілася дзякуючы эфектыўным мерам па барацьбе з імі.
Як можна зменшыць пагрозу?
Даследчыкі падкрэсліваюць, што адной з найбольш эфектыўных стратэгій з’яўляецца інфармацыйна-асветніцкая праца з насельніцтвам, якая спрыяе змяншэнню колькасці харчовых адкідаў і захаванню санітарных нормаў.
Акрамя таго, гарады, якія ўкараняюць праграмы кантролю папуляцый пацукоў праз гуманнае вылоўліванне і прыродныя спосабы стрымлівання, дасягаюць найлепшых вынікаў.
Пры гэтым выкарыстанне хімічных ядаў не толькі недастаткова эфектыўнае, але і небяспечнае для экалогіі. Навуковыя даследаванні паказалі, што атрута трапляе ў харчовыя ланцугі і можа шкодзіць драпежнікам, уключаючы віды, якія не сілкуюцца пацукамі. Гэта выклікае сур’ёзныя экалагічныя наступствы.
Каб скараціць колькасць пацукоў у гарадах і пазбегнуць шкоды для навакольнага асяроддзя, неабходна спалучаць эфектыўныя санітарныя меры, адукацыйныя праграмы і гуманныя метады кантролю колькасці грызуноў.
Лукашэнка: Што творыцца ў краіне, у нас усе гэтую гусь круцяць30
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5858
Каментары