Еўропа ўсё больш схіляецца да дацкага падыходу ў міграцыйнай палітыцы, які раней крытыкавалі
Падыход Даніі да міграцыйнай палітыкі, які раней выклікаў шмат крытыкі, цяпер паступова атрымлівае падтрымку ў Еўрапейскім Саюзе. Як краіна, што цяпер старшынствуе ў Радзе ЕС, Данія прасоўвае сваю ідэю стварэння так званых цэнтраў вяртання — месцаў па-за межамі Еўропы, куды плануецца накіроўваць мігрантаў, якім адмовілі ў прытулку, піша Euronews.
Раней Капенгаген абвінавачвалі ў парушэнні правоў чалавека і міжнароднага права, але змена палітычных настрояў у Еўропе зрабіла жорсткі падыход да міграцыі больш прывабным для іншых краін.
Міністр міграцыі Даніі Корэ Дзюбвад адзначыў, што тры гады таму іхні падыход падтрымліваў толькі аўстрыйскі міністр, а цяпер колькасць прыхільнікаў вырасла. Ён падкрэсліў, што трэба дэмакратычна кантраляваць міграцыйныя патокі.
Хоць праект цяпер падтрымлівае і Еўракамісія, застаюцца нявырашанымі пытанні яго фінансавання і тэхнічнай рэалізацыі. Некаторыя праваабарончыя арганізацыі крытыкуюць ініцыятыву як неэтычную і дарагую для падаткацельшчыкаў.
У адказ Капенгаген сцвярджае, што такі жорсткі падыход — адзіны спосаб утрымаць уладу ў руках прагрэсіўна-ліберальных урадаў. А з улікам свайго старшынства ў Радзе ЕС і актуальнасці тэмы міграцыі ў Брусэлі Данія мае моцныя пазіцыі для прасоўвання свайго бачання палітыкі.
Трамп у Шатландыі: Еўропе пагражаюць ветракі і міграцыя
Працоўныя мігранты з Пакістана будуць падпісваць абавязальніцтва не ўдзельнічаць у нелегальнай міграцыі
У Еўропе нараджальнасць на гістарычна найніжэйшым узроўні. І нават прасямейная палітыка не дапамагае
Прыгарад Стакгольма, дзе арудуюць бандыты-падлеткі з ліку мігрантаў, стаў адным з самых небяспечных месцаў Еўропы
Грэцыя абвясціла часовую забарону на прытулак для ўцекачоў з Афрыкі — замест гэтага будуць адразу адпраўляць у турму
Каментары
[Зрэдагавана]
Дачакаліся, што нават мэйнстрымныя медыя (і затым НН) ужо не могуць ігнараваць тэму.