«Калі правілы не задавальняюць, выберыце іншы лагер». Чыноўнікі — пра скаргі бацькоў на тое, што іх не пускаюць да дзяцей
Нядаўна мінчанка паскардзілася на строгія правілы ў дзіцячым лагеры, куды яна аддала дзіця. Бацькоў на тэрыторыю ўвогуле не пускаюць. Чыноўнікі кажуць, што ніякіх парушэнняў тут няма.
Мінчанка расказвала, што ў прыватным лагеры, куды яна аддала дзіця, увогуле няма бацькоўскіх дзён. Камунікацыя з дзецьмі для бацькоў магчымая толькі праз плот, на тэрыторыю нікога з пабочных асоб не пускаюць.
У лагеры строгія правілы тлумачаць клопатам пра дзяцей. Маўляў, пасля сустрэчы з бацькамі дзеці часта захворваюць і разносяць інфекцыю па лагеры. Мінчанка ў выніку змагла дамагчыся дазволу сустрэцца з дачкой за межамі лагера. Але асадак застаўся.
Цяпер сітуацыю пракаментавалі сталічныя чыноўнікі. Яны кажуць, што па законе кіраўніцтва аздараўленчага лагера мае права рэгуляваць наведванне выхаванцаў законнымі прадстаўнікамі і іншымі асобамі, да адмены наведванняў уключна.
У камітэце па адукацыі Мінгарвыканкама нагадалі, што бацькі самі пагаджаюцца на правілы ўнутранага распарадку ў лагеры, калі заключаюць дамову і адпраўляюць туды дзяцей.
«Мамы і таты, калі заключаюць дамову аб аздараўленні дзіцяці, падпісваюць у тым ліку гэтыя правілы. І калі казаць пра публікацыю, якая ўзбудзіла пэўную колькасць бацькоў, хацелася б параіць дарослым абмяркоўваць гэтыя пытанні да таго, як сын або дачка адправяцца ў лагер. Калі арганізацыя сустрэч у канкрэтным комплексе па нейкіх прычынах здаецца бацькам нязручнай, тады неабходна выбраць іншы аздараўленчы лагер», — цытуюць чыноўнікаў «Мінск-Навіны».
У Мінгарвыканкаме лічаць, што такія абмежаванні на сустрэчы з бацькамі ўводзяцца ў інтарэсах дзяцей.
«Усе правілы, якія дарослыя могуць трактаваць як абмежаванні, на самай справе прадыктаваныя жыццём, яны прымаюцца выключна на карысць дзіцяці — з мэтай захавання здароўя.
Лагер — гэта дзіцячая выхаваўча-аздараўленчая ўстанова, у якой прадумана ўсё: ад правільнага харчавання на працягу дня да санітарна-эпідэміялагічных мер, якія замінаюць распаўсюджванню якіх-небудзь інфекцый ці захворванняў. І важна захаваць гэтыя ўмовы на працягу змены аздараўлення, каб летні адпачынак юных выхаванцаў не быў сапсаваны», — кажуць чыноўнікі.
У камітэце па адукацыі адзначылі, што за два месяцы лета ў сталічных дзіцячых лагерах не было ніводнай успышкі інфекцый або захворванняў.
«Ніхто не мае права забараніць мне абняць дзіця». Мінчанка здзівілася строгім правілам у дзіцячым летніку
«Нават дарослыя хацелі далучыцца». Як беларусы ў эміграцыі арганізавалі летнік для дзяцей у Белавежскай пушчы
МНС зноў праверыць дзіцячыя лагеры пасля ўчарашняга пажару ў Радашковічах
«Пакуль пашпарт дзейнічае». Эмігранты пра тое, ці не страшна ім адпраўляць у Беларусь дзяцей на летнія канікулы
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў5
Каментары
Тут шкурнае важней, і яно чытаецца паміж радкоў.
І таму яны не жадаюць шукаць кампрамісаў, каб пры гэтым "рэжыму" не парушаць правы дзяцей і бацькоў на звычайную камунікацыю.
Калі ўжо гэты савок у галовах скончыцца...
Ужо і няма тых цётак з СССР, зараз маладыя, але з тым жа дурноццем.