Жывёла, якую сілавікі застрэлілі ў Сеніцы, аказалася сабакам без шаленства. Кубракоў загадваў узнагародзіць міліцыянераў за смеласць
Спецыялісты правялі экспертызу таямнічай жывёлы, у якой міліцыянеры ўбачылі «ўсе прыкметы шаленства».
У ліпені жыхары Сеніцы і Прылук пад Мінскам скардзіліся на вялікую і дзіўную жывёлу, якая блукала ноччу па дварах. Яна нібыта ні на каго не нападала, але людзі палохаліся. Яны думалі, што гэта галодны воўк.
Жывёлу шукалі некалькі дзён. У выніку яе пабачылі на дзіцячай пляцоўцы ў Сеніцы. Мясцовыя выклікалі сілавікоў. Міліцыянеры палічылі, што гэта хворы на шаленства воўк, і застрэлілі звера з табельнай зброі. Кіраўнік МУС Іван Кубракоў нават загадаў узнагародзіць сілавікоў за смеласць і самаадданасць.
Але цяпер прыйшлі вынікі даследавання цела забітай жывёлы. Ужо пры першым поглядзе на звера галоўны ветурач раёна Генадзь Залатуха заявіў, што гэта стары сабака, а не воўк. Экспертыза гэтую гіпотэзу пацвердзіла, піша «Прысталічча».
Што датычыцца шаленства, то тады папярэдні аналіз быў адмоўны. Канчатковыя вынікі атрымалі толькі на днях.
«Вердыкт такі: сабака не хварэў на шаленства. Таму жыхары Прылук і Сеніцы могуць не перажываць за сваіх хатніх гадаванцаў, з кім мог кантактаваць гэты дварняк», — распавёў ветэрынар.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары
И назвали бы в их честь соседнюю улицу с имени Дмитрия «Нирвана» Федосюка.