Расійскія сілавікі адрэзалі геніталіі азербайджанцам, закатаваным да смерці падчас рэйду ў Екацярынбургу
З загінулых падчас сілавога рэйду ў Екацярынбургу Зіядзіна і Гусейна Сафаравых здзекаваліся пасля затрымання, расказалі два суразмоўцы «Праекта». Адзін з іх, блізкі да Крамля, паведаміў, што ахвярам адрэзалі геніталіі. Ці было гэта здзекам пасля смерці ці было інструментам катавання, невядома, піша «Агентство».
Гусейну і Зіядзіну Сафаравым расійскія сілавікі адрэзалі палавыя органы, расказала «Праекту» крыніца, блізкая да Крамля.
Другі суразмоўца выдання, азербайджанскі грамадскі дзеяч, які папрасіў аб ананімнасці, сказаў так: «З іх здзекаваліся».
Абодва суразмоўцы не ўдакладнілі, ці адбылося гэта падчас катаванняў сілавікамі, ці пасля гібелі Сафаравых. Азербайджанскія ўлады не сталі афішаваць гэта, «каб не згубіць прэстыж», дадаў другі суразмоўца «Праекта».
Экспертыза, праведзеная ў Баку, паказала, што Гусейна і Зіядзіна Сафаравых катавалі, а прычынай смерці стаў шок ад атрыманых траўм.
Выданне Minval 1 ліпеня апублікавала фатаграфіі братоў Сафаравых — на іх целах множныя траўмы. Вобласць пахвіны размытая.
Minval таксама апублікавала вытрымкі з вынікаў азербайджанскай экспертызы: «Выяўлены кровападцёкі ў вобласці палавых органаў, а таксама паласападобная драпіна памерам 17×2,5 см на ўнутранай паверхні сцягна». На адной з фатаграфій, апублікаванай выданнем, на задняй частцы цела аднаго з забітых бачныя моцныя кровападцёкі.
Азербайджанскі журналіст і брат Сафаравых Сейфедын Гусейнлі каментаваў гібель азербайджанцаў у мясцовай прэсе, але на паведамленні «Праекта» не адрэагаваў.
Гусейн і Зіядзін Сафаравы загінулі пасля масавага затрымання азербайджанцаў у Екацярынбургу ў канцы чэрвеня. У пасведчанні, выдадзеным бюро судмедэкспертызы Свярдлоўскай вобласці, указана, што смерць зафіксавана 27 чэрвеня. У выпадку Гусейна Сафарава прычынай смерці названа ўскладненне ад пералому рэбраў, але пры гэтым судмедэксперты не палічылі гэта забойствам. У выпадку Зіядзіна Сафарава ўказана, што прычынай смерці з'яўляецца ішэмічная хвароба сэрца.
-
«Альтэрнатыва для Германіі» ў новаабраным ландтагу Саксоніі-Анхальт адразу ж запатрабавала спыніць падтрымку Украіны і адмяніць санкцыі супраць Расіі
-
ЗША падтрымалі Латвію ў барацьбе з нелегальнай міграцыяй і высока ацанілі яе гатоўнасць узаемадзейнічаць з Беларуссю
-
У Іспаніі памерла 87‑гадовая жанчына, справа якой справакавала цяперашні палітычны крызіс у краіне
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары