«Пацукі ўжо смела заходзяць у пад'езд». У барысаўскім шматпавярховіку нашэсце грызуноў
Дом па вуліцы Гагарына ў Барысаве не першы месяц атакуюць пацукі. Людзі перажываюць за санітарыю ў сваіх кватэрах. А іх пад’езды і падвалы не апрацоўваюць, піша «МП».
Фота прадастаўлена жыхарамі дома
— Выходзіць з пад’езда і ўваходзіць у яго страшна, — скардзіцца жыхарка дома №67 па вуліцы Гагарына Таццяна. — Пацукоў становіцца ўсё больш. Проста пад маімі вокнамі бегаюць. Літаральна ўчора адначасова бачыла адразу трох. Ды я вам больш скажу, яны ўжо нават у пад’езд смела заходзяць. Гэтая праблема не аднаго месяца. Перыядычна бачылі пацукоў і раней, напрыклад, вясной. То знікаюць, то зноў з’яўляюцца. А цяпер проста нейкае нашэсце.
У ЖЭУ-1 жа карэспандэнту адказалі, што заяўкі да іх па гэтым адрасе не паступалі паабяцалі даслаць спецыялістаў.
Каментары