Пра здарэнне на вуліцы Васкрасенскай у Кіеве паведамляюць мясцовыя каналы, якія публікуюць і фоты з відэа.
Чалавека выратавала тое, што ён упаў на аўтамабіль, дах якога змякчыў падзенне.
«Мужчына — мясцовы жыхар. Яму 36 гадоў. Ён выскачыў з 19-га паверха і прызямліўся на дах аўтамабіля ў двары. Цяпер мужчыну шпіталізавалі ў бальніцу з дыягназам закрытая чэрапна-мазгавая траўма, закрытая траўма жывата і траўма грудной клеткі», — расказалі ў паліцыі Дняпроўскага раёна Кіева.
Папярэдне вядома, што мужчына адважыўся на такі адчайны крок з мэтай самагубства — не хацеў жыць. Што менавіта стала прычынай — высвятляюць следчыя.
Каментары