Сустаршыня Беларускай Хрысіцянскай Дэмакратыі Віталь Рымашэўскі наведаў па позве падатковую інспекцыю Фрунзенскага раёну Мінска.
Сустаршыня Беларускай Хрысіцянскай Дэмакратыі Віталь Рымашэўскі наведаў па позве падатковую інспекцыю Фрунзенскага раёну Мінска.
Галоўны дзяржінспектар Іна Лаўцэвіч паведаміла магчымаму кандыдату ў прэзідэнты, што праходзіць праверка, і яму будзе неабходна прадставіць дэкларацыю аб даходах як мінімум за 8 гадоў. Прычым трэба будзе патлумачыць набыццё і продаж аўтамабілю, што Рымашэўскі здзейсніў больш, чым восем гадоў таму.
Інспектар папярэдзіла, што такія меры будуць прымяняцца таксама і да сваякоў Віталя Рымашэўскага.
Віталь Рымашэўскі таксама звязвае ціск з боку падаткавай з тым, што ад імя БХД ён выступіў заяўляльнікам правядзення сёлетняга Чарнобылскага шляху, а таксама ініцыятарам стварэння грамадскага камітэта па абароне грамадзян Беларусі ад наступстваў чарнобыльскай катастрофы «У абарону жыцця».
Падобныя праблемы таксама ўзніклі ў лідэра «Маладых дэмакратаў» Міхаіла Пашкевіча.Запыт на яго ў Бярозаўскую падаткавую быў зроблены з Мінска. Цяпер падаткавікі правяраюць, якія прыбыткі і дзе атрымліваў Міхась.
У сталіцы дэкларацыю запатрабавалі і з лідэра «Правага альянса» Юрыя Карэтнікава.
Цяпер чытаюць
Міліцыя затрымала таго самага расійскага турыста, які кінуў недакурак на вуліцы. Заўтра суд25
Каментары