Футболка гэтага гульца стала самым прадаваным таварам на чэмпіянаце свету
Не Месі, не Раналду, не Кейн і нават не Мбапэ.
Паўабаронца зборнай Францыі і «Баварыі» Майкл Алісе стаў лідарам па колькасці прададзеных футболак сярод усіх гульцоў нацыянальнай каманды на чэмпіянаце свету 2026 года, паведамляе Championat.com са спасылкай на Le Parisien.
Попыт на экіпіроўку з прозвішчам футбаліста рэзка вырас на фоне яго яркіх выступленняў на турніры. Рознічныя прадаўцы не паспяваюць выконваць вялікую колькасць заказаў, таму заўзятары сутыкнуліся з дэфіцытам футболак у афіцыйных пунктах продажу.
Францыя рыхтуецца да матча 1/8 фіналу супраць Парагвая. Сустрэча адбудзецца ў ноч на заўтра (пачатак а 00:00).
На шляху да гэтай стадыі французы атрымалі чатыры перамогі ў чатырох матчах з агульным лікам 13:2, па чарзе абыграўшы зборныя Сенегала (3:1), Ірака (3:0), Нарвегіі (4:1) і Швецыі (3:0) у 1/16 фіналу.
На рахунку Алісе — чатыры матчы ў стартавым складзе, у якіх ён аддаў шэсць галявых перадач. У мінулым сезоне за «Баварыю» ў яго 19 галявых перадач ва ўсіх турнірах. Больш толькі ў Бруну Фернандэша з «Манчэстэр Юнайтэд» — 21 асіст у 35 матчах прэм'ер-лігі.
Цяпер чытаюць
На Мінскім паўмарафоне памёр 50‑гадовы бягун. Вось што вядома пра Аляксея Дашыневіча11
Каментары
Не рразумею, сярод усіх гульцой нацыянальная камадЫ? То бок сярод гудьцоў Францыі ці як? Назва артыкула не адпавядае зместу.