40-гадовага беларуса, якога вышукваюць у Францыі, затрымалі ў Варшаве
У Варшаве затрыманы 40-гадовы грамадзянін Беларусі. Па рашэнні суда французскага Марселя на беларуса быў выдадзены еўрапейскі ордар на арышт, піша Reform.news.
Фота: паліцыя Варшавы
У варшаўскай паліцыі паведамілі, што затрыманы звязаны са злачыннай групоўкай, якая займаецца незаконным абаротам наркотыкаў, агнястрэльнай зброі і адмываннем грошай. У прэс-рэлізе яго называюць гандляром зброяй.
Затрыманне адбылося ў чацвер на мінулым тыдні. Мужчына знаходзіўся ў элітным жылым доме ў цэнтры горада. У аперацыі ўдзельнічалі супрацоўнікі антытэрарыстычнага падраздзялення.
Разам з грамадзянінам Беларусі былі затрыманыя трое грамадзян Украіны, якія дапамагалі яму хавацца.
Чакаецца, што беларуса экстрадуюць у Францыю.
Цяпер чытаюць
Расіянін з судзімасцю заняўся дабрачыннасцю ў Беларусі. У некаторых пасля дапамогі Дзядзі Яшы пачынаюцца праблемы9
Каментары