Аляксандр Лукашэнка 8 верасня прыняў з дакладам старшыню Палаты прадстаўнікоў Ігара Сергеенку, паведамляе яго прэс-служба.
Лукашэнка падзякаваў старшыні Палаты прадстаўнікоў і ў цэлым парламентарым за тую працу, якую яны вядуць на міжнародным напрамку па прасоўванні інтарэсаў краіны, у тым ліку знешнеэканамічных.
У якасці прыкладу ён прывёў нядаўні візіт Ігара Сергеенкі ў В’етнам, дзе ішла гаворка ў тым ліку пра магчымасці супрацоўніцтва з БЕЛАЗам і «Белшынай».
«Гэта якраз тое, чаго не хапае сёння, і нават членам урада. Калі ты паехаў у камандзіроўку, значыць адтуль трэба нешта прывезці канкрэтнае, — сказаў Лукашэнка. — Няхай трошкі. Але патроху трэба заходзіць на рынкі. Гэта добры прыклад камандзіровак чалавека, які нібыта не датычны (па сваёй пасадзе не абавязаны займацца гандлёва-эканамічным прасоўваннем). У нас няма такіх людзей, якія не датычныя да эканомікі (асабліва сёння), да знешняга гандлю».
«Вы адчуваеце і ведаеце, што гэта самая вялікая праблема сёння ў Беларусі — замясціць той аб’ём, які мы не можам сёння прадаць у сілу пэўных, аб’ектыўных прычын у Расійскай Федэрацыі, і на трэку далёкай дугі мы павінны ў гэтым плане працаваць», — зазначыў Аляксандр Лукашэнка.
-
Больш за 60 чалавек затрыманыя пасля канцэрта Макса Каржа ў Франкфурце-на-Майне. Са сцэны спявак заклікаў спыніць вайну ва Украіне
-
Рыжанкоў спадзяецца на пацяпленне адносін з Польшчай
-
Протаіерэй Андрэй Лемяшонак паскардзіўся на праверкі. І назваў паездкі манашак Свята-Елісавецінскага манастыра па Еўропе «гераічнымі»
Каментары