Пракуратура Лунінецкага раёна накіравала ў суд крымінальную справу супраць мясцовых жыхароў па абвінавачванні ў махлярстве. Двое маладых людзей стварылі крымінальную схему па продажы калекцыйных манет, паведамляе прэс-служба Генеральнай пракуратуры.
Згодна з матэрыяламі справы, 19-гадовы навучэнец аднаго з каледжаў прыдумаў спосаб падпрацоўкі. Ён шукаў у сацсетках людзей, якія цікавіліся калекцыйнымі манетамі, і звязваўся з імі.
Разумеючы запыты калекцыянераў, ён высылаў фотаздымкі манет з інтэрнэту і пры абмеркаванні продажу заўсёды настойваў на папярэдняй аплаце на банкаўскую карту.
Напрыклад, адной жыхарцы Мінскага раёна хлопец прапанаваў купіць манету наміналам у 50 капеек 1900 года, за якую калекцыянерка перавяла 269 рублёў. Усяго за май 2025 года абвінавачаны падмануў пяць чалавек.
Пасля, падзяліўшыся сваім спосабам заробкаў з 18-гадовым знаёмым, ён падштурхнуў апошняга да таго, таксама падмануць аднаго чалавека.
Але неўзабаве канец гэтаму паклалі сілавікі. Паводле іх слоў, маладыя людзі чамусьці разлічвалі, што падманутыя не будуць звяртацца ў міліцыю, але іх разлікі не апраўдаліся.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек3
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары