З 15 кастрычніка 2025 года ўсе кіроўцы, якія хочуць перасячы знешнюю мяжу Латвіі, павінны будуць загадзя зарэгістравацца ў электроннай чарзе і заплаціць збор — 9,3 еўра. Новая сістэма закранае і пераход «Патэрніекі» на мяжы з Беларуссю («Грыгораўшчына» з беларускага боку).
Запіс у чаргу стане магчымы ўжо з 1 кастрычніка. Ад платы вызваляюцца ровары, конныя экіпажы, аўтобусы з рэгулярнымі пасажырскімі рэйсамі і некаторыя іншыя катэгорыі транспарту, але рэгістрацыя для іх усё адно абавязковая.
Латвійскі ўрад тлумачыць новаўвядзенне жаданнем упарадкаваць рух на мяжы і скараціць чэргі.
Раней стала вядома, што Латвія плануе цалкам спыніць аўтобусныя рэйсы ў Беларусь і Расію, не падаўжаючы ліцэнзіі перавозчыкам. На гэты момант на беларуска-латвійскай мяжы працуе толькі адзін пераход — «Грыгораўшчына — Патэрніекі».
Цяпер чытаюць
Што вядома пра затрыманых радыёаматараў, якім пагражае аж да расстрэлу4
Каментары