Кітаец усяго год вучыў беларускую мову і ўжо выступіў на Міжнародным кангрэсе беларусістаў. Паслухайце, як ён гаворыць
25—27 верасня ў Берліне адбыўся XII Міжнародны кангрэс беларусістаў. Яго ўдзельнікам быў кітайскі даследчык Ван Чжыўань, сярод інтарэсаў якога і беларускія дыялекты.
На сваёй старонцы ў Facebook Ван Чжыўань расказаў пра кангрэс. Паводле яго слоў, арганізатары забаранілі фота– і відэаздымкі падчас выступаў, таму здымкаў з самога мерапрыемства няма. Але хлопец выклаў фрагмент хатняй рэпетыцыі, дзе гаворыць па-беларуску.
«Шчыра кажучы, мая беларуская пакуль што вельмі сціплая: я вучыў мову толькі год, ды і апошні раз займаўся ёю два гады таму», — напісаў ён.
Ван Чжыўань паведаміў, што жыве ў Мюнхене і піша доктарскую дысертацыю па славістыцы.
Беларускую мову ён пачаў вывучаць падчас двух семестраў курсаў у Варшаве і Кракаве. Менавіта тады ў яго з’явілася асаблівая цікавасць да беларускай мовы і культуры.
«Але гэты кангрэс стаў для мяне сапраўды каштоўным вопытам, і я буду працягваць працаваць над сабой, каб у будучыні выступаць яшчэ лепш», — напісаў ён.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары