У Бабруйску за 200 тысяч даляраў прадаюць былы армейскі штаб. Цяпер у ім размяшчаецца сінагога
У Бабруйску новых уласнікаў шукае не самы звычайны будынак. Гэта — былы армейскі штаб. Будынак, размешчаны непадалёк ад Бярэзіны і Бабруйскай крэпасці, прадаецца за даўгі ўласніка — прыватнай кампаніі.
Таргі за былы вайсковы будынак, у якім зараз «кватаруе» ў тым ліку і сінагога, пройдуць на электроннай пляцоўцы «БелЮрЗабеспячэнне». Пачатковая цана складае крыху больш за 200 тысяч долараў, піша Realt.by.
Былы штаб (там жа калісьці размяшчалася і сталовая) знаходзіцца ў Бабруйску, на вуліцы Кірава, 25Е. Гэта — даволі ціхае месца, недалёка ад рэк Бабруйка і Беразіна.
З 1947 года ў Бабруйску размяшчалася 5‑я Гвардзейская танкавая армія. У 1992 годзе яе расфарміравалі. Пабудовы, якія засталіся пасля сыходу вайскоўцаў, былі перададзены на баланс дзяржавы, некаторыя з іх пазней трапілі ў прыватныя рукі. Так адбылося і са штабам на вуліцы Кірава. Зараз будынак знаходзіцца ў здавальняючым стане. Яго памяшканні здаюцца ў арэнду розным арганізацыям. Сярод арандатараў — капіравальны цэнтр, пракат аўтамабіляў і… сінагога. Так, менавіта тут знаходзіцца сінагога «Бабруйскі дворык».
Агульная плошча пабудовы налічвае 4287 квадратных метраў. У склад лота ўваходзіць трохпавярховы будынак з прыбудовамі і падвалам. Аб'ект размешчаны на зямельным участку плошчай 57 сотак. Надзел дастанецца новаму ўласніку на праве арэнды.
Адзначаецца, што будынак прадаецца за даўгі ўласніка — кампаніі «Старт-Корп», якая займаецца аптовым і рознічным гандлем. Сярод складанясцяў — арышт, забарона здзяйснення рэгістрацыйных дзеянняў судовага выканаўцы і арэндныя абавязацельствы.
Таргі за былую вайсковую пабудову пачнуцца з 619 тысяч рублёў (206 тысяч даляраў). Заяўкі прымаюцца да 27 кастрычніка.
Аўкцыён пройдзе 28 кастрычніка на электроннай пляцоўцы «БелЮрЗабеспячэнне».
Дарэчы, побач са штабам за даўгі таго ж уласніка прадаецца і былы ваенны цір. Пабудову плошчай 189 квадратаў ацанілі ў 55,9 тысяч рублёў (18,5 тысячы даляраў).
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары